ԶԱՐ­ՄԱՆՔ

Մեծ Բրի­տա­նի­ա­յի կրթու­թյան նա­խա­րար նշա­նակ­վեց ոմն ԱՆԴ­ՐԵ­Ա ՋԵՆ­ԿԻՆ­ՍԸ: Կա­սեք` ի՞նչ կա այդ­տեղ զար­մա­նա­լի, և հա­յե­րիս դա ի՞նչ: Հի­մա կի­մա­նաք, հար­գե­լի ըն­թեր­ցող­ներ, ծա­նո­թա­նա­լով պատ­գա­մա­վոր Ա­րեգ­նազ Մա­նու­կյա­նի գրառ­մա­նը. «Մեծ Բրի­տա­նի­ա­յի խորհր­դա­րա­նի պատ­գա­մա­վոր Անդ­րե­ա Ջեն­կին­սը (Պահ­պա­նո­ղա­կան­նե­րից) նշա­նակ­վել է կրթու­թյան նա­խա­րար: Ջեն­կին­սը հայտ­նի է այն բա­նով, որ միջ­նա­մատ էր ցույց տվել ցու­ցա­րար­նե­րին: Սո­ցի­ա­լա­կան ցան­ցե­րում նրա նշա­նա­կու­մը մեծ աղ­մուկ է բարձ­րաց­րել: Այս լու­րը պետք է, որ ու­րա­խաց­նի Ա­լեն Սի­մո­նյա­նի մայ­րի­կին (ինչու ոչ՝ նա­և որ­դուն) ու մտա­հո­գու­թյան տե­ղիք տա ՀՀ կրթու­թյան գոր­ծող նա­խա­րա­րին»: Դե ինչ, զար­մա­նա­լի­ո­րեն պահ­պա­նո­ղա­կան Անգ­լի­ան ի­ջավ նի­կո­լա­Հա­յաս­տա­նի մա­կար­դա­կի, սա­կայն տխու­րը ոչ թե դա է (իրենց գլուխը` ի­րենց պա­տով), այլ այն, որ հի­մա­ տա­րա­տե­սակ ա­լեն­ներ և նման այլ ա­ռանձ­նյակ­ներ կա­րող են գլուխ ­գո­վալ, որ Անգ­լի­ա­յի պես ենք: Բայց ի­հար­կե, կլի­նեն Անգ­լի­ա­յի անկ­ման բար­քեր, բայց «հպարտ քա­ղա­քա­ցի­նե­րը» անգ­լի­ա­ցու պես բա­րե­կե­ցիկ չեն ապ­րի: Ճիշտն ա­սած, նրանց չի էլ հաս­նում,  քան­զի սե­փա­կան կոտ­րած ձեռ­քով մի հո­ղա­տու դա­վա­ճա­նի բե­րե­ցին իշ­խա­նու­թյան:

Իսկ հի­մա թե­և զար­մա­նա­լի, բայց պո­զի­տիվ փաստ: ՀՀ շրջա­կա մի­ջա­վայ­րի նախ­կին նա­խա­րար, պե­տա­կան վե­րահս­կո­ղա­կան ծա­ռա­յու­թյան ղե­կա­վար ՌՈ­ՄԱ­ՆՈՍ ՊԵՏ­ՐՈ­ՍՅԱ­ՆԸ պարտ­վել է դա­տա­րա­նում: 2021 թվա­կա­նին, երբ ՇՄ նա­խա­րա­րը Ռո­մա­նոս Պետ­րո­սյանն էր, Ի­ջև­ա­նի դենդ­րո­պար­կի տնօ­րեն Մե­խակ Սա­յա­դյա­նին ա­զա­տեց աշ­խա­տան­քից: Ռո­մա­նոս Պետ­րո­սյա­նի ղե­կա­վա­րած նա­խա­րա­րու­թյան հիմ­նա­վո­րումն այն էր, որ Ի­ջև­ա­նի դենդ­րո­պար­կի տնօ­րեն Մե­խակ Սա­յա­դյա­նի նկատ­մամբ վստա­հու­թյու­նը կո­րել է: Սրա­նից հե­տո Ի­ջև­ա­նի դենդ­րո­պար­կի նախ­կին տնօ­րեն Մե­խակ Սա­յա­դյա­նը դի­մել էր վար­չա­կան դա­տա­րան՝ վի­ճար­կե­լով ի­րեն դենդ­րո­պար­կի տնօ­րե­նի պաշ­տո­նից ա­զա­տե­լու հրա­մա­նի օ­րի­նա­կա­նու­թյու­նը: Հու­լի­սի 6-ին վար­չա­կան դա­տա­րա­նը ո­րո­շում է կա­յաց­րել Սա­յա­դյա­նին վե­րա­կանգ­նել նախ­կին պաշ­տո­նին, այ­սինքն՝ դա­տա­րա­նը ո­րո­շել է, որ Ռո­մա­նոս Պետ­րո­սյա­նի՝ Մե­խակ Սա­յա­դյա­նին պաշ­տո­նից ա­զա­տե­լու վե­րա­բե­րյալ հանձ­նա­րա­րա­կա­նը ան­հիմն է, եւ Ի­ջե­ւա­նի դենդ­րո­պար­կի նախ­կին տնօ­րե­նը պետք է վե­րա­դառ­նա աշ­խա­տան­քի: Կբո­ղո­քար­կի նա­խա­րա­րու­թյու­նը, թե` ոչ, կա­րև­որ էլ չէ: Ու­րա­խա­լի փաստ է` ՊՎԾ ղե­կա­վար Ռո­մա­նոս Պետ­րո­սյա­նը, ում թուրն ա­մե­նու­րեք է հա­տում, առնչ­վել է այն ի­րո­ղու­թյա­նը, որ «խի­յա­րը թարս բուս­նեց»:

Աշ­խար­հում վար­չա­պետ­նե­րի գլխին գա­լո­վի է` Ճա­պո­նի­ա­յի նախ­կին վար­չա­պե­տին սպա­նե­ցին, իսկ Շրի Լան­կա­յի վար­չա­պե­տի տու­նը վա­ռե­ցին: Դա, ան­շուշտ, պետք է ան­հանգս­տաց­նի կա­պի­տու­լյան­տին և մղի նրան սե­ղա­նի տակ թաքն­վե­լու, հատ­կա­պես աչ­քի ա­ռաջ ու­նե­նա­լով Շրի Լան­կա­յի հե­տա­գա ի­րա­դար­ձու­թյուն­նե­րը, սա­կայն զար­մա­նա­լի մի փաստ, ո­րը հաս­տատ ո­գև­ո­րե­լու է Նի­կո­լին: Բրա­զի­լի­ա­յում ընտ­րու­թյուն­նե­րից ա­ռաջ գնդա­կա­հա­րել են ընդ­դի­մա­դիր Աշ­խա­տա­վո­րա­կան կու­սակ­ցու­թյան ներ­կա­յա­ցուց­չին:  Լեյ­բո­րիս­տա­կան ​​կու­սակ­ցու­թյան խոս­նակ ՄԱՐ­ՍԵ­ԼՈ Ա­ՐՈՒ­ԴԱՆ նշում էր իր ծննդյան տա­րե­դար­ձը Պա­րա­նա նա­հան­գի Ֆոս դե Ի­գո­ւա­սու քա­ղա­քում, երբ նրան գնդա­կա­հա­րել է Խոր­խե Խո­սե դա Ռո­շա Գո­ւա­րա­նոն, ով հայ­տա­րա­րել էր, որ սա­տա­րում է գոր­ծող նա­խա­գահ Ժա­իր Բոլ­սո­նա­րո­յին: Սա­կայն զար­մա­նա­լի­ո­րեն Ա­րու­դան պա­տաս­խան կրակ է բա­ցել և կա­րո­ղա­ցել է սպա­նել հար­ձակ­վո­ղին: Նախ­կին նա­խա­գահ Լո­ւիս Ի­նա­սի­ո Լու­լա դա Սիլ­վան Լեյ­բո­րիս­տա­կան ​​կու­սակ­ցու­թյան թեկ­նա­ծուն է և, ըստ հար­ցում­նե­րի, ներ­կա­յումս ա­ռաջ է ան­ցել Բոլ­սո­նա­րո­յից: Դե, մե­զա­նում էլ, ըստ հար­ցում­նե­րի, բռնա­պե­տիկ Նի­կո­լի վար­կա­նի­շը «պլին­տու­սից» ցածր է, ուս­տի նրա­նից կա­րե­լի է սպա­սել ա­մեն ինչ...

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝