Այսօր Էլվինա Մակարյանի մահվան օրն է
Մշակութային
2007 թվականի այս օրը Էլվինա Մակարյանը բռնեց հավերժի ճամփան՝ չապրելով տղայի վաղաժամ մահը։
Մակարյանը ծնվել է 1950 թվականի օգոստոսի 16-ին՝ Երևանում։ Արմատներով Արևմտյան Հայաստանից էր։ Վաղ տարիքից Էլվինան մեծ սեր և ձգտում է ունեցել երաժշտության նկատմամբ։
Խորհրդային տարիներին երգիչները պայքարում էին երգելու իրավունքի համար, իսկ Էլվինա Մակարյանը՝ երգելու ձևի, ոճի և թեմատիկայի համար։ 1980-ականներին Կոմկուսի Կենտկոմը փաստորեն «տնային կալանքի» է ենթարկում նրան՝ վճարելով աշխատավարձ՝ աշխատանքի չգնալու պայմանով։ Նույնիսկ այդ տարիներին՝ 1986-1989 թվականներին, նա չի դադարել ստեղծագործել։
Այդ ժամանակ ԱՄՆ-ից հրավեր է ստանում, տղայի հետ մի քանի շաբաթով զբոսաշրջության մեկնում։ Այդ օրերին ստորագրում են Հեռուստառադիոպետկոմից նրան ազատելու հրամանը։ Մայրը զանգահարում է և ասում, որ կարող է հետ գալու մասին չմտածել, մնալ ԱՄՆ-ում։ Երգչուհին հարկադրաբար հաստատվում է ԱՄՆ-ում։ Թողարկել է երեք ձայնասկավառակ, բացել է սեփական ստուդիան, նկարահանել տեսահոլովակներ, գրել երգեր։
1990-ականների սկզբներին վերադարձավ Հայաստան։ Նորանկախ հայրենիքում երգչուհին ունեցավ մի քանի հիթեր՝ «Յարո ջան», «Երևան»։ Մինչև 90-ականների վերջ Էլվինան մնաց և ստեղծագործեց հայրենիքում, որից հետո ընդմիշտ մեկնեց ԱՄՆ, որտեղ շարունակեց իր գործը սեփական ստուդիայում մինչև 2007 թվական։
Նրան անվանում էին հայկական Էդիթ Պիաֆ: Սովետական տարիներին պատշաճ վերաբերմունքի այդպես էլ չարժանացած երգչուհին մեկնեց Միացիալ Նահանգներ և իր կյանքի վերջին տարիներն անցկացրեց այնտեղ՝ մենության մեջ։
Հավաքեց Նանա Սարգսյանը
1
25871 դիտում
2
3907 դիտում
3
2349 դիտում
4
2288 դիտում
5
2072 դիտում
1
42682 դիտում
3
8986 դիտում
4
8133 դիտում
5
5120 դիտում
3
18697 դիտում
4
10537 դիտում
5
9933 դիտում
