Ալեքս Միրզոյանը հայտնվել է ռուսական ֆիլմում՝ իտալացի լեգենդար ֆուտբոլիստների հետ
ՍպորտՀայը, ռուսը եւ իտալացին, երբ մեկտեղվում են նույն վայրում, ծնվում է ոչ թե, օրինակ, անեկդոտ, այլ աննախադեպ ֆիլմ: «Իրավունքն» անդրադարձել էր, որ ռուսաստանյան առաջատար հեռուստաալիքներից մեկն աշնանը հեռուստադիողի դատին կհանձնի նոր կինոնախագիծ, որի գլխավոր հերոսը մեր հայրենակից, մի շարք հիթային երգերի հեղինակ, երգահան ԱԼԵՔՍ ՄԻՐԶՈՅԱՆՆ է:
Ռուսաստանյան մեր աղբյուրները նոր մանրամասներ են հայտնել ֆիլմի այս օրերին դեռ ընթացող նկարահանումներից: Պարզվում է՝ ֆիլմում իրենց դերակատարումներով ներգրավված է համաշխարհային մի ամբողջ աստղաբույլ:
Այսպիսով՝ ֆուտբոլիսիտի դերը ստանձնած Ալեքս Միրզոյանի հետ նույն նկարահանման հարթակում են հայտնվել ոչ միայն գեղեցկուհի մոդել Վիկտորիա Օդինցովան եւ ռուսական թատրոնի ու կինոյի ամենավառ դեմքերից Լյուբով Աքսիոնովան, այլ նաեւ ո՛չ ավել, ո՛չ պակաս 2006 թվականի Աշխարհի առաջնության հաղթող Իտալիայի հավաքականի ֆուտբոլիստներ Ջենարո Գատուզոն եւ Իտալիայի առաջնության հնգակի, Իտալիայի գավաթի եռակի չեմպիոն Մարկո Մատերացին:
ՀՐԱՆՏ ՍԱՐԱՖՅԱՆ

