Այս ակումբն ու ողջ քաղաքն ընդմիշտ իմ սրտում կմնան. Մխիթարյանի հրաժեշտը` «Ռոմային»
Սպորտ
Հենրիխ Մխիթարյանը հրաժեշտի գրառում է կատարել իր ֆեյսբուքյան էջում։ Հայ ֆուտբոլիստի պայմանագիրը «Ռոմայի» հետ հունիսի 30-ին ավարտվել է և կիսպաշատպանը ազատ գործակալի կարգավիճակով տեղափոխվել է Միլանի «Ինտեր»։
«Սիրելի Ջիալոռոսիներ,
«Ռոման» իսկապես եզակի ակումբ է: Այստեղ գալուս պահից մինչև ՈՒԵՖԱ Կոնֆերենցիաների լիգայի եզրափակիչ, ձեր աջակցությունը գերազանց էր. մի բան, որի համար ես միշտ երախտապարտ կլինեմ:
Երբ առաջին անգամ հագա Ջիալոռոսիի մարզաշապիկը, իմ գլխավոր նպատակն այս ակումբին ու նրա ֆանտաստիկ երկրպագուներին փառք բերելն էր, և հպարտ եմ, որ մենք միասին հասանք դրան Տիրանայում: Դա լավագույն վերջաբանն էր, որ ես կարող էի հուսալ իմ այստեղ անցկացրած 3 տարիների ընթացքում:
Հիմա իմ ժամանակը «Ռոմայում» ավարտվում է, ուստի ուզում եմ շնորհակալություն հայտնել ակումբում բոլորին այն յուրահատուկ ընկերության համար, որ կառուցել ենք միասին: Մեծ շնորհակալություն նաև մեր մարզչական շտաբին և հատկապես պարոն Մոուրինյուին իմ հանդեպ ունեցած վստահության, հոգատարության և որպես խաղացողի ինձ արտասովոր դրայվ հաղորդելու համար:
Ես ամեն ինչ տվել եմ այս ակումբին խաղադաշտում և դրանից դուրս ու ավելի երախտապարտ չեմ կարող լինել այստեղ անցկացրածս յուրագատուկ ժամանակի համար:
Այս ակումբն ու ողջ քաղաքն ընդմիշտ իմ սրտում կմնան:
Ես ձեզ սիրում եմ:
Շնորհակալություն, «Ռոմա»: Առա՛ջ, «Ռոմա»,- գրել է Մխիթարյանը։
1
2212 դիտում
2
1958 դիտում
3
1588 դիտում
4
1380 դիտում
5
1305 դիտում
1
11060 դիտում
2
10497 դիտում
3
9089 դիտում
4
8154 դիտում
5
7241 դիտում
1
37648 դիտում
2
36091 դիտում
3
34134 դիտում
4
19032 դիտում
5
18383 դիտում
