Կանխատեսելի տրուբադուրների հաջորդ քայլը կլինի Իշխանին մանդատից զրկելը եւ կալանավորելը. Մութաֆյան

«Հենց հուլիսի 1-ին նախնական տվյալներով՝ Բերձորն ու Աղավնոն առանց որեւէ նախապայմանի պետք է հանձնվի Ադրբեջանին։ Սա այս դավաճան իշխանության եւս մեկ դավաճանական քայլն է՝ ուղղված Հայաստանի եւ Արցախի դեմ։ Ֆեյք շոուներով իշխանության եկած ստահակները շարունակում են իրենց էժանագին խաղերը։ Հրապարակներում տրուբադորի դեր ստաձնելով իշխանության եկածները շարունակում են իրենց էժան տեսարաններով շեղել հասարակությանը կարեւորագույն թեմայից` Արցախի մաս-մաս հանձնումից։ ԱԺ նախագահի երեկվա ցինիկ ելույթը, շնորհակալություններն ու ՔՊ զոհասեղանին հայտնված մարդու անունը շահարկելն ու նրան զոհասեղանին մատեցելու համար շնորհակալությունները հերթական էժան անտերպրիզն է, էժան հանդիսատեսի համար...

 

Այսօր ԱԺ արտահերթ նիստին կքննարկվի «Դիմադրություն» շարժման առաջնորդներից` ԱԺ փոխխոսնակ, ՀՅԴ ԳՄ ներկայացուցիչ Իշխան Սաղաթելյանին պաշտոնից զրկելու հարցը։ Կանխատեսելի տրուբադուրների հաջորդ քայլը կլինի Իշխանին մանդատից զրկելը եւ կալանավորելը, սրանով մի քանի ամիս եւս կկերակրեն իրենց ընտրազանգվածին՝ շեղելով Արցախից ու Հայաստանից հողեր հանձնելուց, ցույց կտան իրենց ուժը մյուս ընդիմադիրներին։ Բայց էժան ու անտաղանդ փողոցային միմոսները չեն գիտակցում, որ թե Իշխանը, թե մեզնից յուրաքանչյուրը կալանավայրում ավելի ազատ ու հզոր կլինենք, քան իրենք ազատության մեջ ու վախը սրտներում։ Փողոցային միմոսների վերջը միշտ շատ վատն է եղել, նրանց կամ գլխատել են, կամ հանձնել ժողովրդի արդար դատին...», - գրել է դերասանուհի ԱՆԱՀԻՏ ՄՈՒԹԱՖՅԱՆԸ: