Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Փաշինյանը ասուլիսում հանդես է եկել, որպես պաշտպանության կողմի վկա, միջնորդելու ենք, որպեսզի հրավիրվի դատարան. Ուշագրավ մանրամասներ Խծաբերդի գործով

Իրավական

Հունիսի 27-ին ՀՀ վարչապետ Նիկոլ Փաշինյանի առցանց մամուլի ասուլիսի ժամանակ անդրադառնալով գերիներին, մասնավորապես, հայտարարել է, որ պաշտոնական Բաքուն փորձեր է ձեռնարկում վարկաբեկելու Լեռնային Ղարաբաղում ռուս խաղաղապահներին, եւ այդ պատճառով չի վերադարձնում ռազմագերիներին: Փաշինյանն ընդգծել է, որ այն անձանց 90 տոկոսը, որոնց գերեվարումը հաստատվել է, գերեվարվել են ռուս խաղաղապահների տեղակայումից հետո եւ նրանց պատասխանատվության գոտում, ինչի մասին հայկական կողմը բազմիցս խոսել է ռուս գործընկերների հետ հանդիպումների ժամանակ: Նա որպես օրինակ հիշատակել է նոյեմբերի 9-ի եռակողմ հայտարարության ստորագրումից հետո Խծաբերդում տեղի ունեցած դեպքը, երբ գերեվարվեց հայ զինծառայողների մեծ խումբ (62 պահեստազորային): Վարչապետը նշել է, որ Խծաբերդի դե յուրե տարածքը պետք է լիներ ռուս խաղաղապահների հսկողության տակ, սակայն տեղի են ունեցել փոփոխություններ։ Տեղաբաշխման դիրքերը մի քանի անգամ վերանայվել են քարտեզների հիման վրա: Փաշինյանը նշել է, որ Հայաստանը, Ռուսաստանը եւ միջազգային հանրությունը պետք է միջոցներ ձեռնարկեն բոլոր գերիներին վերադարձնելու համար: «Մենք հետևողական կլինենք, որ բոլորը վերադառնան հայրենիք», - ընդգծել է նա:

«Իրավունքը» վերը նշյալի շուրջ զրուցել է գործով միակ մեղադրյալ Խծաբերդի դիրքերում պահպանություն իրականացրած ստորաբաժանման հրամանատար Արսեն Ղազարյանի( ով մեղադրվում է Խծաբերդ գյուղի մարտական հենակետերը թողնելու հետևանքով այդ տարածքները անցել են ադրբեջանական զինված ուժերի վերահսկողության տակ անցնելու մեջ) փաստաբան Վահան Հովհաննիսյանի հետ, ով հակիրճ փաստեց.

-Նիկոլ Փաշինյանը տվյալ դեպքում հանդես է եկել, որպես պաշտպանության կողմի վկա եւ մենք միջնորդելու ենք, որպեսզի Նիկոլ Փաշինյանը հրավիրվի դատարան եւ հարցաքննվի: Եվ, եթե Նիկոլ Փաշինյանը կպնդի իր այդ հայտարարությունը, ապա մենք միջնորդություն ենք նախապատրաստելու, որպեսզի Արսեն Ղազարյանի նկատմամբ ամբողջ քր. գործով քրեական հետապնդումը դադարեցնելու: Քանի որ Նիկոլ Փաշինյանը իր հայտարարությամբ փաստել է, որ Խծաբերդը ռուս խաղաղապահների վերահսկողության գոտում, հետեւաբար ռուս խաղաղապահների պատասխանատվության գոտում գտնվող գյուղի հանձնման համար հայ հրամանատարը չի կարող ենթարկվել քր. պատասխանատվության:

 

 

Հավանեցի՞ր հոդվածը, կիսվիր ընկերներիդ հետ