Քանի ուշ չէ Գլխավոր դատախազությունը պետք է հրաժարվի բոլոր մեղադրանքներից. Հայտնի փաստաբանը Նորք-Մարաշի գործով մանրամասներ է ներկայացրել

Նորք-Մարաշ զինված խմբի գործով շարունակվում են դռնբաց դատական նիստերը, վերջին դատական նիստի ընթացքում խմբի անդամ Գեւորգ Ջնդոյանը հանդես եկավ աղմկահարույց հայտարարությամբ բարձրաձայնելով, որ կալանավորումից կարճ ժամանակ անց նրան տարել են այն ժամանակվա ԱԱԾ փոխտնօրեններից մեկի առաձնասենյակ, ով վերջինիս հրահանգել է, որ գրի այն ինչ նրան թելադրում են, հակառակ պարագայում մտածի, թե ինչ մահով է ցանկանում մահանալ:

Արդյո՞ք վերոնշյալ հայտարարությունը չպետք է ստանա իրավական գնահատական հարցի պատասխանը «Իրավունք TV»-ի եթերում խնդրել ենք մեկնաբանի խմբի ղեկավար հանդիսացող Արթուր Վարդանյանի շահերի պաշտպան, «Լեվ Գրուպ» փաստաբանական ընկերության հիմնադիր-ղեկավար, հայտնի փաստաբան ԼԵՎՈՆ ԲԱՂԴԱՍԱՐՅԱՆԻՑ, ով փաստեց.

-Այո, ճիշտ նկատեցիք նման ցուցմունք է տվել խմբի անդամ` Գեւորգ Ջնդոյանը, որը պետք է հետաքրքրի պետական լիազոր մարմիններին, մասնավորապես իրավապահ մարմիններին, որովհետեւ տեղեկության մեջ ակնհայտ հանցագործության հատկանիշները առկա են: 

Ուզում եմ արձանագրել նաեւ, որ ոչ միայն Գեւորգ Ջնդոյանից է հարկադրաբար ցուցմունք կորզվել, այլ նաեւ խմբի բոլոր մյուս անդամներից են տարբեր եղանականերով հարկադրաբար ցուցմունքներ են կորզվել: Նման եղանակով մարդկանց մեղադրել են շինծու արարքների մեջ, ինչը անթույլատրելի է: 

Ինչ վերաբերում է կոնկրետ Գեւորգ Ջնդոյանին, ապա տեսեք, թե ինչ է կատարվել. նախ անձին զրկում են ազատությունից, ապա դեմը դնում. կամ կգրես այն ինչը քեզ կթելադրեն, այսինքն քր, գործ են կարում, կամ մտածի, թե ոնց պետք է մահանաս: Ընդհուպ ասողը պետական բարձր չի ունեցող անձնավորություն է` գեներալի ուսադիրներով, ով  հաշվի առնելով, որ անձը առաջին անգամ է կալանավայրում, այն էլ ԱԱԾ մեկուսարանում, ասում է` դե կարաս սավանով կախվես, խցում համապատասխան տեղ կա, ապա հուշում, որ հսկիչները կես ժամը մեկ են դիտարկում կատարում, որ դա եւս կախվելուց հաշվի առնի: Ընդ որում Ջնդոյանը փողոցից ինչ-որ խուժան չէր, նա Եվրոպայում փայլուն կրթություն ստացած անձնավորություններ, ինչպես խմբի բոլոր անդամները` սկսած իմ պաշտպանյալից, իր ուրույն լումման է ներդրել երկրի կայացման, հզորացման հետ կապված:

Անդրադառնալով ողջ գործի էությանը, ապա փաստաբանը նկատում է.

-Քանի ուշ չէ Գլխավոր դատախազությունը պետք է հրաժարվի այդ բոլոր մեղադրանքներից: Բայց, եթե ուզում են ճիշտ գնահատականը տալ, ապա անջատված մասը պետք է միավորեն բուն գործին, որը լույս կսփռի շինծու գործի բացահայտման վրա:

Ամբողջական զրույցը այստեղ.

Հավանեցի՞ր հոդվածը, կիսվիր ընկերներիդ հետ

Հետևեք մեզ Telegram-ում Բաժանորդագրվեք Iravunk-ի ալիքին Iravunk հավելված Ներբեռնեք և եղեք միշտ տեղեկացված