ՊԱ­ՐՈՒՅՐ ՍԵ­ՎԱ­ԿԻ ԲՐՈՆ­ԶԵ ԿԻ­ՍԱՆԴ­ՐՈՒ ԲԱ­ՑՈՒ­ՄԸ ԵՎ ԷԼԻ ՄԻ ՔԱ­ՆԻ ԱՆԱԿՆ­ԿԱԼ­ՆԵՐ

 Հու­նի­սի 17–ը հայ ակա­նա­վոր բա­նաս­տեղծ, գիտ­նա­կան, մշա­կու­թա­յին գոր­ծիչ Պա­րույր Սե­ւա­կի հի­շա­տա­կի օրն է: Այս առ­թով «Իրա­վուն­քը» զրու­ցեց բա­նաս­տեղ­ծի թո­ռան՝ «Պա­րույր Սե­ւա­կի տուն–թան­գա­րան» ՊՈ­ԱԿ–ի տնօ­րեն ՍԵ­ՎԱԿ ՂԱ­ԶԱ­ՐՅԱ­ՆԻ հետ:

– Պա­րոն Ղա­զա­րյան, այ­սօր Պա­րույր Սե­ւա­կի տուն–թան­գա­րա­նում՝ «Պա­րույր Սե­ւակ. ան­մա­հու­թյան օր» խո­րագ­րով մի­ջո­ցա­ռում է լի­նե­լու, կման­րա­մաս­նե՞ք:

– Ավան­դա­բար հու­նի­սի 17–ին տար­վա խո­շո­րա­գույն մի­ջո­ցա­ռումն է լի­նում մեզ մոտ՝ իհար­կե, պայ­մա­նա­վոր­ված նա­եւ եղա­նա­կա­յին հան­գա­մանք­նե­րով, որով­հե­տեւ Սե­ւա­կի ծնուն­դը հուն­վա­րի 24–ին է, եւ այն ավե­լի  հա­մեստ ենք նշում, քա­նի որ այդ օրե­րին եղա­նա­կա­յին պայ­ման­նե­րը թույլ չեն տա­լիս խո­շոր մի­ջո­ցա­ռում­ներ անել: Իսկ հի­շա­տա­կի օրը՝ հու­նի­սի 17–ին, ավե­լի մեծ շու­քով ենք նշում: Ինչ­պես վեր­ջին տա­րի­նե­րին՝ այս ան­գամ էլ մի­ջո­ցա­ռումն ու­նե­նա­լու է մի քա­նի բա­ղադ­րիչ:

Առա­ջի­նը՝ տե­ղի կու­նե­նա Պա­րույր Սե­ւա­կի բրոն­զե կի­սանդ­րու բա­ցու­մը: Հե­ղի­նա­կը կա­նա­դա­հայ քան­դա­կա­գործ Մկրտիչ Տա­րագ­չյանն է, որն ու­նի մեր պատ­մու­թյան եւ մշա­կույ­թի բազ­մա­թիվ գոր­ծիչ­նե­րի շատ հե­տաքր­քիր աշ­խա­տանք­ներ: Պա­րոն Տա­րագ­չյա­նը կա­մո­վին ստանձ­նեց Սե­ւա­կի բրոն­զե կի­սանդ­րու պատ­րաս­տու­մը: Իր մի­ջոց­նե­րի հաշ­վին այն պատ­րաս­տեց եւ Կա­նա­դա­յից տե­ղա­փո­խեց Հա­յաս­տան, ին­չի հա­մար, իհար­կե,  ան­չափ շատ շնոր­հա­կալ ենք նրան:

Երկ­րորդ բա­ղադ­րի­չը՝ թան­գա­րա­նը մաս­նակ­ցել է ԿԳՄՍ նա­խա­րա­րու­թյան կող­մից կազ­մա­կերպ­ված դրա­մաշ­նոր­հա­յին  ծրագ­րին եւ հաղ­թել մշտա­կան ցու­ցադ­րու­թյան ար­դի­ա­կա­նա­ցում ան­վա­նա­կար­գում: Մենք շատ կա­րե­ւո­րում ենք, որ թան­գա­րա­նում հնա­րա­վո­րինս շատ ներգ­րա­վված լի­նեն ժա­մա­նա­կա­կից տեխ­նո­լո­գի­ա­նե­րը, քա­նի որ այ­սօր­վա՝ 21–րդ դա­րի այ­ցե­լուն, մա­նա­վանդ՝ երի­տա­սարդ սե­րուն­դը, ան­պայ­ման թան­գա­րան մտնե­լիս պետք է առնչ­վի ժա­մա­նա­կա­կա­կից տեխ­նո­լո­գի­ա­նե­րի հետ: Եվ որո­շա­կի քայ­լեր այս ուղ­ղու­թյամբ ար­դեն ու­նենք ար­ված: ԿԳՄՍ նա­խա­րա­րու­թյան օգ­նու­թյամբ թան­գա­րա­նում տե­ղադ­րել ենք մի մեծ՝ հպազ­գա­յուն (թաչ) էկ­րան, որ­տեղ լու­սան­կար­ներ ու տե­սա­նյու­թեր են տե­ղադր­ված Սե­ւա­կի վե­րա­բե­րյալ: Իսկ այս ան­գամ մեր թան­գա­րա­նի մի պա­տը, որը կազ­մում է Սար­գիս Մու­րա­դյա­նի հայտ­նի որմ­նան­կա­րը, որի կենտ­րո­նա­կան հատ­վա­ծում առան­ձին Պա­րույր Սե­ւակն է պատ­կեր­ված, Առ­լու­պա հա­վել­վա­ծի մի­ջո­ցով այդ հատ­վա­ծը կեն­դա­նաց­րել ենք: Եվ երբ այդ­տեղ պա­հում ենք հե­ռա­խո­սը կամ պլան­շե­տը, պատ­կե­րը կեն­դա­նա­նում է, սկսում է ար­տա­սա­նել  Պա­րույր Սե­ւա­կի «Ապրել» բա­նաս­տեղ­ծու­թյու­նը՝ հենց Սե­ւա­կի ձայ­նով:

Եվ վեր­ջին եր­րորդ բա­ղադ­րի­չը՝ լի­նե­լու է «Արդվին» ազ­գագ­րա­կան եր­գի եւ պա­րի հա­մույ­թի ելույ­թը՝ հիմն­ված թե՛ հայ­կա­կան ժո­ղովր­դա­կան, թե՛ Կո­մի­տա­սի եր­գե­րի ու կա­տա­րում­նե­րի հի­ման վրա: Այս հա­մույ­թի ելույ­թով կեզ­րա­փակ­վի մեր մի­ջո­ցա­ռու­մը:

ՆՈՒ­ՆԵ ԶԱ­ՔԱ­ՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝