Իշխանության ագրեսիան խոսում է իրենց վատ ճակատագրի վերաբերյալ վախերի մասին. Ռոբերտ Մարգարյան
ՏեսանյութերԱյս օրերին Երեւանում է ամերիկաբնակ քաղաքագետ ՌՈԲԵՐՏ ՄԱՐԳԱՐՅԱՆԸ, ով եւս ներկա էր Պռոշյան-Դեմիրճյան խաչմերուկում ցուցարարների եւ ոստիկանների միջեւ տեղի ունեցած բախումներին: «Իրավունք TV»-ի տաղավարում նա դեպքից մանրամասներ ներկայացրեց:
– Հունիսի 3-ին մասնակցում էի երթին, երրորդ-չորրորդ շարքերում էի, երբ պտտվեցինք Պռոշյանից դեպի Դեմիրճյան փողոց, երբ այդ բախումը տեղի ունեցավ: Չափազանց անիմաստ էր, որովհետեւ նույն այդ ճանապարհով հաջորդ օրը քայլերթին գնացել ենք` առանց որեւէ արգելքի: Այսինքն` այդ օրն էլ կարելի էր հանգիստ ճանապարհը բացել, թողնել ժողովրդին, որպեսզի շարունակեն իրենց քայլերթը: Ընդ որում` հայտարարվեց, որ կառավարական առանձնատներից հեռանում ենք, ներս մտնելու եւ բռնություն կիրառելու որեւէ մտադրություն չկա: Սա պարզ սադրանք էր իշխանության կողմից, միտումնավոր կերպով փակեցին ճանապարհը` տանելով իրավիճակը սրման: Կարծում եմ` հստակ նպատակ ունեին ուժ կիրառել, որպեսզի, հավանաբար, վախի ու սարսափի մթնոլորտ ստեղծեն հասարակության մոտ: Վերջին հաշվով այնտեղ կանայք եւ երեխաներ կային, որոնք հնարավոր է` հաջորդ օրը որոշակի մտավախություններ ունենալով, որ կարող է կրկին բախում լինել, չգային քայլերթի: Մինչդեռ հաջորդ օրը, բարեբախտաբար, տեսանք, որ ավելի մեծ թվով մարդիկ էին մասնակցում: Եթե իշխանությունն ամուր հիմքեր ունենար, մտահոգություն չունենար իր գոյության մասին, վստահ լիներ, որ լեգիտիմ է եւ թիկունքում ժողովուրդ ունի եւ ենթադրյալ մանդատ, որն անընդհատ ասում են, նման բռնության չէր գնա, ճանապարհը կբացեր, ժողովուրդն էլ կհեռանար: Բայց այդպիսի ագրեսիվ մոտեցում ցուցաբերելը վկայում այն մասին, որ իրենք էլ գիտեն` իշխանությունն իրենց տակից կամաց-կամաց փախչում է: Իրենք ժողովրդի կողմից նախկին հենարանը չունեն, իսկ իրենց մանդատների մասին միֆերը, որ ստեղծել են, միայն իրենք են դրան հավատում: Այս ամենը շատ հստակ խոսում է իրենց վախերի մասին, որովհետեւ պատկերացնում են այն վատ ճակատագիրը, ինչ սպասվում է իրենց իշխանությանը շատ շուտով:
ՀՐԱՆՏ ՍԱՐԱՖՅԱՆ
Հ.Գ.- Հարցազրույցն ամբողջությամբ դիտե՛ք տեսանյութում.
1
25830 դիտում
2
3883 դիտում
3
2339 դիտում
4
2249 դիտում
5
2049 դիտում
1
42500 դիտում
3
8986 դիտում
4
8133 դիտում
5
5104 դիտում
3
18471 դիտում
4
10537 դիտում
5
9933 դիտում
