ԶԱՐՄԱՆՔ

(Կարդա՛լ բջջային տարբերակը)

ՍԴ աշխատակազմի նախկին ղեկավարը վրդովմունքով ու զայրույթով արձագանքել է այն տեսարանին, որ լայնորեն գովազդվել է ՔՊ-ական ագիտպրոպի կողմից. «2022 թվականի հունիսի 1-ին, դեռեւս չհայտարարված բնակավայրի փողոցներում «պատահական» հայտնված հայրենիքի գողը բեմադրել էր «ՊԱՂՊԱՂԱԿ ԵՐԵԽԱՆԵՐԻՆ» ներկայացումը, որի տեսանյութը հրապարակվել է իր կնոջ կողմից: Պարզվում է, որ կեղծ հույզերով հանդես եկող չկայացած դերասանուհին նաեւ անհաջող ռեժիսոր է, քանզի հանրայնացրել է մի տեսանյութ, որից պարզ երեւում է, որ դրանում ավելի շատ թիկնապահներ կան, քան երեխաներ»: Պարզվում է` դպրոցի դասաժամ էր: Սակայն մի շատ զարմանալի դրվագ կա. «Տեսանյութից պարզ է դառնում, որ Նիկոլ Փաշինյանը պարզապես թալանում է մասնավոր խանութները` առանց վաճառողի ներկայության մոտենում սառցարաններին, բացում դրանք, այնտեղից առանց հաշվի եւ հաշվարկի վերցնում է պաղպաղակներ, դրանք բաժանում երեխաներին ու դուրս գալիս խանութներից` առանց դրանց համար վճարելու եւ հսկիչ-դրամարկղային կտրոն ստանալու»: Դե ինչ, զարմանալի է, բայց փաստ` հայրենիքի գողը նաեւ պաղպաղակի գող է: Բայց չկա չարիք առանց բարիքի` քանզի պաղպաղակները խանութից թռցրած էին, ապա գոնե կարող ենք վստահ լինել, որ դրանք նեռը չի հասցրել թույնել:

Իսկ հայրենիքի եւ պաղպաղակի գողի գողակիցը` ԱԽՔ (Անվտանգության խորհրդի քարտուղար) ԱՐՄԵՆ ԳՐԻԳՈՐՅԱՆԸ կառավարության նիստից հետո, լրագրողների հարցին, թե արդյոք բանակցային գործընթացում հայկական կողմի համար էակա՞ն է ազգերի ինքնորոշման իրավունքի հարցը շեշտադրելը, զարմանալի պատասխան տվեց. «Հենց իրավունքներն ու անվտանգությունն են որոշելու Լեռնային Ղարաբաղի կարգավիճակը: Մենք շարունակում ենք կարեւորել Արցախում ապրողների անվտանգությունն ու իրավունքները, որից էլ պետք է բխի կարգավիճակը: Շարունակելու ենք աշխատել այս ուղղությամբ եւ կարծում ենք, որ այս ուղղությամբ աշխատելով էլ կգտնենք ելքը»: Այսինքն` սա էլ խուսափեց «Արցախը չի կարող լինել Ադրբեջանի կազմում» բանաձեւից, որն, ի դեպ, 1992-ի ՀՀ Գերագույն խորհրդի հայտնի որոշմամբ, գործող օրենքի կարգավիճակ ունի, եւ Արցախն Ադրբեջանի կազմում նշող որեւէ փաստաթուղթ այդ որոշմամբ ուղղակի արգելված է: Զարմանքով արձանագրենք` դուք, ձեր ՔՊ-ական բոլուկով, հանցագործ եք եւ վերջ:

ՀՀԿ-ական, Համաժողովրդական շարժման ակտիվիստ Տաթեւ Թադեւոսյանն անդրադառնում է խունտայի կեղտոտ քարոզչության հնարքներին` որ գողն ամենից բարձր է գոռում «բռնեք գողին», հիմա էլ նիկոլիստները հայտարարում են, իբր ՀՀԿ-ն պահում է ՖԵՅՔԵՐԻ ԲԱՆԱԿ. «Հանրապետականը ունի չաթեր, որոնց միջոցով իրենց անդամներին ուղղորդում են գրոհ կազմակերպել այս կամ այն կայքերի նկատմամբ... Հա լավ, ախր տխմարությանն էլ աստիճան կա: Գերագույն գլխավոր ֆեյքերը, որ չորս տարի համակարգչի ստեղնաշարի վրա ինքնահաստատվեցին, որ չորս տարի ֆեյքերով մեր հասարակության շրջանակներում սովորական դարձրին հայհոյելն ու բամբասելը, հիմա եկել, Հանրապետականին ասում են ֆեյք: Հանրապետականները միշտ բաց, առանց դիմակների հատ առ հատ դեմքներիդ շպրտել են ինչ պետք է եղել, որովհետեւ մենք չենք վախենում ճշմարտությունը բարձրաձայնելուց, ի տարբերություն ֆեյքերի ՊՈԱԿ-ով իշխանությունը պահողների»: Դե ինչ, Նիկոլի «չագուջը» մեծ ճաք է տվել, բայց թիմը դա չի զգում...

Զարմացած է ՀՈՎՀԱՆՆԵՍ ԳԱԼԱՋՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝