Գեղագիտության ազգային կենտրոնի պատկերասրահում բացվել է «Ինքնաճանաչում. Էրեբունի» ցուցահանդեսը
Մշակութային
Հունիսի 1-ին Գեղագիտության ազգային կենտրոնի Պատկերասրահում կայացավ «Ինքնաճանաչում․ Էրեբունի» ցուցահանդեսի բացման արարողությունը։
Այն ամփոփումն է 2021թ-ին մեկնարկած «Ինքնաճանաչում․ Էրեբունի» կրթական-հետազոտական և ստեղծագործական նախագծի, որ Գեղագիտության ազգային կենտրոնն իրականացրել է «Էրեբունի» պատմահնագիտական արգելոց-թանգարանի հետ համատեղ։
Նախագիծը նվիրված էր ճարտարապետությամբ, տեղակայմամբ և ներկայացվող նյութով բացառիկ «Էրեբունի» պատմահնագիտական արգելոց-թանգարանին և այնտեղ ներկայացված հնագիտական ժառանգությանը: Կենտրոնի կերպարվեստի արվեստանոցների 6-17 տարեկան սաները մշակված հատուկ ծրագրով ուսումնասիրել են ուրարտական ժամանակաշրջանից մեզ ժառանգություն մնացած նյութը, այնուհետև իրենց աշխատանքներով տվել պատմական այդ շրջանի սեփական մեկնաբանությունը։
Այս նախագծով Գեղագիտության ազգային կենտրոնն ընդգծում է հայոց պատմությանն ու մեր արմատներին առավել խորությամբ անդրադառնալու այսօրվա հրամայականը։ Սա հրաշալի առիթ էր հատկապես նոր սերնդի համար՝ սեփական ինքնության ակունքները բացահայտելու և ինքնաճանաչմամբ ստեղծագործական նոր ազդակներ ստանալու համար։
«Ինքնաճանաչում․ էրեբունի» ցուցահանդեսի շրջանակներում տեղի կունենան թեմատիկ հանդիպումներ, դասախոսություններ և վարպետության դասեր։
Ցուցահանդեսը կգործի մինչև օգոստոսի 1-ը։
1
25892 դիտում
2
2349 դիտում
3
2315 դիտում
4
2080 դիտում
5
1586 դիտում
1
42841 դիտում
3
8986 դիտում
4
8133 դիտում
5
5130 դիտում
3
18810 դիտում
4
10543 դիտում
5
9941 դիտում
