Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

Մանիպուլյացիաներով, թվեր «կրակելով» երկրի տնտեսություն չի աճում. Տնտեսագետ

Տնտեսություն

Էկոնոմիկայի նախարար Վահան Քերոբյանն իր ֆեյսբուքյան էջում գրել է․
«2022 թվականի ապրիլին տնտեսական ակտիվության ցուցանիշը կազմել է 108.8%, իսկ հունվար-ապրիլը՝ 109.4%: Հարկ է նշել, որ մարտ ամսվա 106.7%-ից հետո տնտեսական աճն արագացել է։
Պետք է նշել, որ այս աճը էապես ավելին կլիներ, եթե Վերին Լարսի խցանումը չլիներ, որի ուղղությամբ ՀՀ Կառավարությունը տարբեր ուղղություններով աշխատանքներ է տանում, որպեսզի հնարավորինս արագ իրավիճակը շտկվի։
Այսօր էլ, բավականին հանգամանալից տեսաքննարկում եմ ունեցել ՌԴ իմ գործընկեր Մաքսիմ Ռեշետնիկովի և այլ գործընկերների հետ»։

Այս թեմայի մասին Iravunk.com-ը զրուցել է տնտեսագետ Թադևոս  Ավետիսյանի հետ։ Անդրադառնալով տնտեսական ակտիվության ցուցանիշին տնտեսագետն ասաց․

«Տնտեսական ակտիվության ցուցանիշը պայմանավորված է  ծառայությունների և հանքարդյունաբերության աճով։Դա իրականում մեր ավանդական տնտեսական աճը չի, ինչի մասին բոլորը մտածում են։ Եվ երկրորդը եկեք  չմոռանանք, որ ռուս-ուկրաինական պատերազմի գլխավոր տնտեսական հետևանքները դեռ բացահայտված չի։ Լավ կլինի, որ Վահան Քերոբյանը կարդա նաև միջազգային ֆինանսատնտեսական կազմակերպությունների կանխատեսումները, որոնք  առկա են ռուսերենով և անգլերենով։ Թող կարդա և տեսնի թե միջազգային կառույցները որքան աճ են կանխատեսում մեր երկրի համար և  թող իրեն այդ խնդիրները մտահոգի։ Ըստ էության շոու անելով  և մանիպուլյացիաներով, թվեր «կրակելով» երկրի տնտեսություն չի աճում թող մտածեն թե  որն է լուծումը առաջացած տնտեսական խնդիրները հաղթահարելու համար։ Այստեղ կա մի շատ կարևոր հարց․ իրականում եթե ամեն ինչ այնպես է, ինչպես ներկայացնում է նախարարը,  ինչո՞ւ են գներն առաջանցիկ աճում և ինչո՞ւ է, օրինակ,  ԿԲ-ն շատ համեստ թվով  աճ կանխատեսում։  Իրականում շատ հարցեր կան և ես մեկ-մեկ մտածում եմ  թե արդյոք արժի  ժամանակ վատնել և  մեկնաբանել նախարարի հայտարարությունները։

Նախարարը խոսում է տնտեսական աճից, սակայն  այդ  ներկայացվող աճը որևէ կերպ դրական ազդեցություն չունի բնակչության ապրելակերպի վրա և եթե  լրագրողական հետաքննություն անեք, դուք էլ կհամոզվեք, թե մարդիկ որքան դժգոհ են իրենց ապրելակերպից։ Եթե  տնտեսական աճ  կա, ապա ինչո՞ւ է գները աննախադեպ աճել, շուրջ 11 տոկոս  աճ եղել է ապրիլին, իսկ  18-20 տոկոս  աճ էլ  կանխատեսվում է մայիսին։ Կարևոր է արձանագրել, որ կառավարությունը չունենալով իրավական հիմք ճնշում է ԿԲ-ին իսկ կենտրոնական բանկն էլ այլ տարբերակ չունենալով  վարում է տնտեսություն սահմանափակող քաղաքականություն։ Մեր բոլորի պետական ռեզերվերը վաճառելով  փորձում է ազգային արժույթը արժևորել, որ կարողանա որոշ չափով  կանխել գնաճը։ Դրա վառ ապացույցը  դոլարի կտրուկ անկումն է։ Գնաճի  մասին կառավարությունը ասում է, որ ամբողջ աշխարհում է այդպես սակայն չի մտածում, որ կենսաթոշակառուները, նպաստառուները, սոցիալապես անապահով խավը  և ծայրահեղ աղքատներն ինչպես են ապրելու։ Ասում են բյուջեում փող չկա և այլն, բայց  մայիսին շուրջ 3 մլրդ դրամ պարգևավճար են բաժանում։ Որքան ժամանակն անցնում է, այնքան կառավարության սխալներն ավելի պարզ ու տեսանելի են դառնում և մեկնաբանելու կարիք չի լինում»։

Սոնա Գիշյան

Հավանեցի՞ր հոդվածը, կիսվիր ընկերներիդ հետ