ԶԱՐՄԱՆՔ

(Կարդա՛լ բջջային տարբերակը)

Քաղաքացիները, տեսնելով ոստիկանական անհամաչափ բիրտ ուժի եւ դաժանության գործադրումը ՈՍՏԻԿԱՆՈՒԹՅԱՆ կողմից, հաճախ տարակուսում են ընդդիմադիրների «Ոստիկանը նիկոլ չի» կարգախոսից: Սակայն հենց ընդդիմադիրները պատմել են զարմանալի դրվագներ, որոնք վկայում են, որ ոստիկանները հաճախ նույն մտածողության կրողն են, ինչ ցուցարարները: Այսպես, ըստ ՀՀԿ-ական Հայկ Մամիջանյանի. «Առավոտյան հրմշտոցի ընթացքում ոստիկաններից մեկը միայնակ հայտնվել էր ցուցարարների մեջ: Քանի որ առաջ էի գնում` «կենդանի պատ» կազմելու, իրեն հարցրի. «Ուզո՞ւմ ես քեզ ցուցարարների միջով ուղեկցեմ ձերոնց մոտ»: «Ես ՄԵՐՈՆՑ մեջ եմ, պարոն Մամիջանյան»: Մեկ ուրիշ դեպք էլ պատմեց «Հայրենիք» կուսակցության անդամ Արսեն Բաբայանը. «Մի քանի օր առաջ, երբ Պուշկին փողոցից ոստիկանական զորքերը վայրագությամբ մեզ ձերբակալեցին եւ ավտոբուս տեղափոխեցին, ավտոբուսում մենք շուրջ 40 քաղաքացի էինք եւ ընդամենը 1 ոստիկան: Նրան նայեցի ու ասեցի` «Նկատե՞լ ես, որ դու մենակ ես, իսկ մենք 40 հոգի»: «Ես մենակ չեմ, պարոն Բաբայան, ՄԵՆՔ 40 հոգի ենք»: Դե ինչ, դա եւս մեկ անգամ փաստում է, որ «Մենք»-ի ամբողջանալուն ընդամենը մեկ բան է խանգարում, եւ այդ մեկ բանը կապիտուլյանտների խունտան է:

Իսկ ՍԴ աշխատակազմի ղեկավար ԷԴԳԱՐ ՂԱԶԱՐՅԱՆԸ մի զարմանալի դիտարկում է ներկայացնում, թե ինչպիսի «ապագա» են նախապատրաստել հայերիս համար ՔՊ-ականները. «Նույն օրը, երբ Հայաստանի արտաքին գործերի նախարարության աշխատակիցները նախարարության շենքի պատուհաններից սարսափահար եւ հապշտապ կերպով պոկում էին Արցախի դրոշներով «ԱՐՑԱԽ» գրվածքը, Երեւանի փողոցներում թուրքական բեռնատարը ազատ երթեւեկում է այս նկարով: Ոստիկանության պարեկային ծառայողներն այս մեքենան չեն կագնեցնի, փաստաթղթեր չեն ստուգի եւ չեն ուղեկցի, քանզի ռիսկեր չկան, որ այս մեքենան քաղաքացիական անհնազանդության կմասնակցի եւ փողոց կփակի: Այս մեքենայի համար Հայաստանում այլեւս բոլոր ճանապարհները բաց են: Հայաստանում հիմա փակվում են միայն հայրենիքի փրկության համար պայքարի դուրս ելած մարդկանց ճանապարհները»: Այո՛, զարմանալի է, բայց փաստ` ոստիկաններին կարգադրված է արժանապատիվ հայերի դեմը փակել, բայց ոչ երբեք` թուրքերի, զինվորականներին էլ փաստացի չեն թողնում թուրքի դեմը փակել մեր սահմանները, վկան` արդեն մեկ տարուց ավել ասկյարների անարգել մուտքը ՀՀ ինքնիշխան տարածք:

Եվ ահա այդ ամենի զարմանալի արդյունքը Երեւանում` ԱՐՑԱԽԻ դրոշի դեմ զուգահեռաբար պայքարում են մեր թրքաստրուկները, որ մոլեգնորեն քերում են ամենուրեք Արցախի դրոշը, եւ Ադրբեջանը: Ադրբեջանին, պարզվում է, դուր չի եկել, որ Երեւանում տեղի ունեցող բռնցքամարտի առաջնությանը ծածանվել է Արցախի դրոշը, ավելին` բողոքել են: Արհեստածին սուլթանատի բռնցքամարտի ֆեդերացիան բողոքագրեր է ուղարկել Միջազգային օլիմպիական կոմիտեին, Բռնցքամարտի միջազգային ասոցիացիային, Բռնցքամարտի եվրոպական կոնֆեդերացիային եւ անդամ երկրներին` այն բանի համար, որ Երեւանում բռնցքամարտի Եվրոպայի առաջնության բացման ժամանակ հայ երիտասարդները ծածանել են Արցախի դրոշը. «Մրցությունն անցկացնող երկիրը, առաջնության բացման արարողության ժամանակ սադրիչ գործողություն է թույլ տվել եւ որպես Ադրբեջանի դեմ Հայաստանի տարածքային պահանջ` ցուցադրվել է չճանաչված, հնարածին կառույցի դրոշը»:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝