ԶԱՐՄԱՆՔ

(Կարդա՛լ բջջային տարբերակը)

Իրավապաշտպան Արսեն Բաբայանը հիշատակում է մի զարմանալի դեպք` կապված Դանչիկի «պարծանք» ՊԱՐԵԿՆԵՐԻ հետ. «Աբովյան փողոցում ուշադրության արժանի դեպք գրանցվեց: Արժանապատիվ քաղաքացիներին ոստիկանության նոր պարեկային ծառայողները մեծ խմբերով փորձում էին հեռացնել` պարեկներից մեկի ատրճանակն ընկել է հատակին, որը նա չէր նկատել: Ցուցարարներից մեկն արագ վերցրեց զենքը, մի քանի վայրկյան հայացքով փնտրեց ու գտավ զենքը կորցրած պարեկին, արագ մոտեցավ նրան ու զենքը հանձնեց: Պարեկն իհարկե մեծ շնորհակալություն հայտնեց քաղաքացուն, որից հետո էլ բերման ենթարկեց»: Անշուշտ, «շնորհակալության» այդ զարմանալի ձեւը տիպիկ ՔՊ-ական-սորոսական է, եւ զարմանալի չէ, որ Իոաննիսյանն իր կերպով եւ նմանությամբ է դաստիարակել «Նոր Հայաստանի նոր ոստիկանությանը»: Ինչեւէ, զարմանալով հանդերձ, նաեւ մեջբերենք Արսեն Բաբայանի հորդորը ոստիկաններին. «Ոստիկանության ծառայողներին նորից հիշեցնում եմ, որ մենք պահանջում ենք առանց թուրքի Հայաստան, եւ ով համաձայն չէ մեր այս պահանջին կարող է մեր նկատմամբ ֆիզիկական ուժ կիրառել, մեզ բերման ենթարկել, ձերբակալել կամ ցմահ ազատազրկել: Որոշեք, թե դուք ում եք ծառայում եւ ինչ եք պատմելու ձեր երեխաներին»:

Մի զարմանալի ոստիկանական դրվագ էլ ներկայացրել է ArmenianInfo Տելեգրամ ալիքը, անդրադառնալով ոմն «ՔՊ-Ի ԾՈՎՈՅԻ» կողմից ԱԺ ամբիոնից ոստիկաններին հղած սիրո խոստովանությանը. «Սա մի սրտառուչ ելույթ է ունեցել` ուղղված ոստիկաններին` ստեղծելով տպավորություն, որ նրանց հանդեպ բնավ անտարբեր չէ` բառիս հոգեսեռական իմաստով... Թե ինչով կարելի է բացատրել Ծովոյի անհագուրդ սերն առ հայրենի իրավապահներ, ամբողջովին հասկանալի է. չլինեին նրանք, Ծովիկը վաղուց դուրս էր շպրտվել ԱԺ դահլիճից` ստիպված լինելով պատերի տակ սիրո խոստովանություններ անել: Իսկ թե ինչի դիմաց են ոստիկանական ուժերը Ծովիկին ցուցաբերում հավատարմություն, միանգամայն տեսանելի է. պարգեւավճարները չլինեին, ՔՊ-ն վաղուց Դավոյան Արփիի սիրած աղբամաններում էր հայտնվել»: Դե ինչ, տրամաբանական է, սակայն կտրականապես համաձայն չենք ArmenianInfo-ի հետեւյալ պասաժին. «Բայց ո՞վ է ասել, թե սիրո խոստովանությունը միայն խոսքերով է լինում: Ծովիկը պետք է իր սերն այլ եղանակներով նույնպես ապացուցի` ասենք ֆիզիոլոգիական…»: Ախր ոստիկաններն ինչքան էլ վայրենի են, բայց այնուամենայնիվ տղա են, չարժե նրանց այդպիսի սթրեսի ենթարկել:

Եվ վերջապես, նաեւ մի զարմանալի, բայց պոզիտիվ նորություն: Տխրահռչակ թմբկահար «դըմփ-դըմփ-հուե դատավոր ԴԱՎԻԹ ԱՐՂԱՄԱՆՅԱՆԸ, որը պիտի քններ Իգոր Խաչատուրովի կալանքի հարցը, զարմանալիորեն բավարարեց փաստաբանի միջնորդությունը եւ ինքնաբացարկ տվեց: Ուրեմն ինչ, երկրում իրավիճա՞կ է փոխվել, որ Նիկոլի այդ «կալանավորիչըե որոշեց չշալակել հերոս Խաչատուրովի հերոս որդու կալանավորման մեղքը: Դե ինչ, հուսանք, որ խունտայի հեռացման քամիները արագորեն կվերածվեն ուժգին հողմերի:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝