Ռուբինյանի և Քըլըչի երրորդ հանդիպման մանրամասները գաղտնազերծում է «Ակոս» հայկական շաբաթաթերթի խմբագիրը
Հանդիպում
Ի՞նչ է հայտնի Հայաստանի և Թուրքիայի բանագնացների վերջին հանդիպումից թուրք հասարակությանը «Իրավունքը» փորձեց հետաքրքրվել Ստամբուլում հրատարակվող «Ակոս» հայկական շաբաթաթերթի խմբագիր Բագրատ Էստուկյանից, ով փաստեց հետեւյալը.
-Ինչպես առաջին երկու հանդիպումներն արդյունք չտվեցին, այդպես էլ երրորդ հանդիպումն էր անարդյունավետ.: Կարծես պայմանավորված են ճիշտ նույն հայտարարությունները տարածելու հանդիպումներից հետո։ Միայն հայտարարում են, որ լավ անցավ, բայց թե ինչ են քննարկել, ոչ մի բառ չեն ասում։
Մինչդեռ, պետք է այս հանդիպումներն արդյունք տան: Երկու անկախ պետություն կա, որոնց միջև հարաբերությունները պետք է օրինական լինեն, իրար գոյությունը ճանաչող, բայց իրար հետ հարաբերություններ մերժող դիրք կա, և դա գալիս է Թուրքիայից։ Պետք է այս բանակցությունները արդյունքի հանգեն, փակ սահմանները բացվեն, պետք է երկու երկրներն իրենց դեսպաններին և հյուպատոսներին նշանակեն երկու երկրներում։ Ես համամիտ եմ, որ այս հանդիպումները տեղի ունենան կամ Հայաստանում, կամ Թուրքիայում, ի՞նչ գործ ունեն Վիեննայում կամ Մոսկվայում։ Առաջին հերթին միգուցե առաջին հանդիպման համար որոշ չափով հասկանալի լիներ անկողմնակալ միջավայրը բայց երկրորդ կամ երրորդ երկրները ինչ պետք է, որ խառնվեն, միջամտեն:
Ամփոփելով խոսքը մեր հայրենակիցը նկատում է.
-Առհասարակ խաղաղության օրակարգ հայ-թուրքական բարեկամության այդ հարցերը առհասարակ Թուրքիայում ոչ միայն օրակարգային չեն, այլ նաեւ չեն էլ շոշափվում ո՛չ մասնավոր, ո՛չ էլ առավելեւս պաշտոնական մակարդակով:
ԻԼՈՆԱ ԱԶԱՐՅԱՆ
1
25838 դիտում
2
3893 դիտում
3
2339 դիտում
4
2249 դիտում
5
2049 դիտում
1
42505 դիտում
3
8986 դիտում
4
8133 դիտում
5
5104 դիտում
3
18480 դիտում
4
10537 դիտում
5
9933 դիտում
