«Ստիպված ենք էլի աշխատել, որ դատարկ ջեբով տուն չգնանք». Yandex-ը գցո՞ւմ է իր վարորդներին
Առողջապահական
Iravunk.com-ին են ահազանգել Yandex օնլայն տաքսի ծառայության վարորդներ, ովքեր վրդովված ներկայացնում էին, թե ինչ իրավիճակ է տիրում ծառայությունում: Եվ այսպես, վարորդները որոշել են կամ չաշխատել, կամ չսպասարկել այն հաճախորդներին, ովքեր իրենց ծառայության դիմաց վճարումները կատարում են անկանխիկ, կամ այլ կերպ ասածՙ քարտային փոխանցումով։ Նրանց խոսքով.
«Երբ գրանցում ենք Yandex ծառայություը բացվում է հաշվեհամար, որտեղ գումար է փոխանցվում, եթե գումար չլինի պատվեր չեն ուղարկի, իսկ մեր ամեն պատվերից իրենց է փոխանցվում 16 տոկոս, որը գանձվում է հենց այդ հաշվից: Երբ մենք սպասարկում ենք քարտային տարբերակով այդ գումարը գնում եւ նստում է այդ հաշվին եւ չի փոխանցվում մեզ: Դրա համար ստիպված ենք լինում էլի աշխատել, որ գոնե առձեռն մեզ գումար տան դատարկ ջեբով տուն չգնանք: Այս օնլայն տաքսին շատ լավ հնարավորություն է, որից մենք օգտվում ենք որպես երկրորդ աշխատանք, բայց այդ հաշվի վրա նստած գումարները կամ չեն տալիս մեզ, կամ շատ դժվարությամբ են տալիս: Արդեն երեք ամիս է այս վիճակն է, զզվել ենք, ոնց որ ձրի քշենք ու առանց փող տուն գնանք: Երբ ուզում ենք մեր գումարները մեզ պատճառաբանում են, թե ծրագրային խնդիր կա: Երբ սկսում ենք մի քիչ կոպիտ պահանջել մեր աշխատած գումարները, ասում են, չես ուզում, ձեռք չի տալիս մի աշխատի»:
Մեզ ահազանգած վարորդները փաստեին, որ Yandex-ի գլխամասը սովորբար նման դեպքերում պատճառաբանում է, թե կա ծրագրային խնդիր, իսկ երբ զանգում են բանկ, որ ճշտեն, թե ինչ խնդիր է առաջացել, «ԻԴՐԱՄ»-ից , պատասխամում են վարորդներին, որ Yandex-ի գլխամասը պետք է փոխանցումը հաստատի, որպեսզի վերջիններս համապատասխանաբար փոխանցեն վարարդների հաշիվներին:
Արդեն նշել էինք, որ յուրաքանչյուր վարորդից, յուրաքանչյուր պատվերի դիմաց ընկերությանն է փոխանցվում 16 տոկոս, որից 6 տոկոսը տաքսու պարկինն է, իսկ մնացած 10-ըՙ ընկերությանն է:
ԻԼՈՆԱ ԱԶԱՐՅԱՆ
1
23380 դիտում
2
3569 դիտում
3
2569 դիտում
4
1677 դիտում
5
1546 դիտում
1
40679 դիտում
3
8965 դիտում
4
8125 դիտում
5
5024 դիտում
3
16794 դիտում
4
10520 դիտում
5
9901 դիտում
