Ատելության վրա մի վատնեք ձեր օրերը. Անահիտ Մութաֆյան

«Երեկ ականատես եղա մի ծիծաղելի ու լացելու դեպքի։ Ֆրանսիայի հրապարակում վրան կա տեղադրված, որտեղ ջուր, տաք թեյ ու սուրճ կա, քանի որ եղանակը ցուրտ է ու մեր ընկերները, որոնք գիշերում են հրապարակում, տաքանալու խնդիր ունեն։ Ցերեկվա ակցիաներից վերադարձանք հրապարակ, հոգնած հյուծված, ու ես նստեցի մի այնպիսի տեղ, որտեղից երեւում էր վրանը, վրանի դիմաց երկու կին էին կանգնած, որոնք մեծ քանակությամբ ջրեր էին վերցնում եւ նրանց ակտիվությունը ուշադրությունս գրավեց։Վերցրեցին մի 20 շիշ ջուր թեյ սուրճ ու իրար խառնված հարցնում են, թե ուտելիքը որտեղ է, պատասխանեցին, որ ուտելիք չկա, կանայք էդ ջրերը լցրեցին տոպրակների մեջ ու դանդաղ հրապարակում զբոսնելով հեռացան։

 

Ես հանգստացա ու որոշեցի գնալ տուն, որ երեկոյան թարմ գամ միտինգի։ Մեքենան կայանված էր Թումանյամ փողոցում, քայլելով գնում էի, երբ թիկունքիցս ռեպլիկ լսեցի «թաղեմ քեզ դավաճան, Նիկոլը թաղի քեզ», պտտվեցի, տեսնեմ այդ նույն կանայք էին, որոնք քիչ առաջ հրապարակում ջրեր էին հավաքում։ Ժպտացի, պայուսակումս շոկոլադներ կային մոտեցա եւ հյուրասիրեցի կանանց (դե ջրով բան դուրս չի գա) ու հեռացա։ Կանայք պապանձվել էին...

 

Ասածս ի՞նչ է, հայեր ջան, Նիկոլն ու մնացած ղեկավարները գալիս գնում են, իսկ մենք մնում ենք մի քաղաքում ու մի երկրում։ Այսուհետ յուրաքանչյուր անեծքի պատասխանը շոկոլադներն ու համբույրներն են լինելու։

Մի չարացեք, առանց այն էլ կյանքը կարճ է ատելության վրա մի վատնեք ձեր օրերը», - գրել է դերասանուհի Անահիտ Մութաֆյանը: