ԶԱՐՄԱՆՔ

Զարմանալի կերպար է ՔՊ խմբակցության պատգամավոր ԷԴՈՒԱՐԴ ԱՂԱՋԱՆՅԱՆԸ: DJ Էդոն ակնհայտ հաճույքով գրում է (ուղղագրությունը պահպանված է-խմբ.). «Քիչ առաջ Ֆրանսիայի հրապարակին հարակից տարածքով ոտքով գնում եմ հանդիպման: Բնականաբար ճանապարհին հանդիպում եմ որոշ ագրեսիվ հայացքների, բայց դեռ ոչ մի ռեպլիկ: Եվ ահա, դիմացս է դուրս գալիս Արցախի դրոշով փաթաթված մի օրիորդ, ով ինձ տեսնելիս նախ աչքերին չի հավատում: Կողքով անցնում եմ եւ հավանաբար իր տեսածում համոզվելուց հետո գոռում է. «Այ բոզ!»: Դրանից հետեւում է երկու զարմանալի բան: Առաջինը` որ DJ Էդոն մազոխիստ է եւ հաճույք է ստանում նվաստացումից, իսկ երկրորդը` որ նա բախտավոր մազոխիստ է: Չէ՞ որ արժանացել է «սյունյաց ողջունի» «լայթ» տարբերակի, այլ ոչ թե «ամբողջական վերսիայի»: Կարող էր եւ ավելի վատ լինել, ինչպես եղավ մի ոստիկանի հետ: Անհնազանդության ակցիաներից մեկի ժամանակ միջադեպ է գրանցվել մի ոստիկանի եւ ցուցարարի միջեւ: Ցուցարարն իրեն քաշքշող ոստիկանին ասել է «Ա՛յ Նիկոլ», ոստիկանը վիրավորվել է ու հակադարձել. «Նիկոլը դո՛ւ ես», ու մի լավ քոթակել ցուցարարին: Այսինք, զարմանալիորեն «նիկոլը» դարձել է ամենավատ հայհոյանքը, կամ ժաղովրդական լեզվով ասած` «խլեշը»:

Հ1-ի մեկնաբան Պետրոս Ղազարյանը բանավեճի է հրավիրել «Հայաստան» խմբակցության ղեկավար  Սեյրան Օհանյանին եւ «Քաղաքացիական պայմանագիր»  խմբակցության ղեկավար Հայկ Կոնջորյանին. «Հրավիրում եմ ձեզ Հանրայինի եթեր `քննարկման: Իրար հեռակա ինչ ասես ասելու փոխարեն շատ ավելի պատասխանատու կլինի նստել դեմ դիմաց եւ քաղաքակիրթ բանավիճել: Կուզեք` ուղիղ եթեր: Սպասում եմ արձագանքներին»: Ի պատասխան ՀԱՅԿ ԿՈՆՋՈՐՅԱՆԸ զարմանալիորեն աքլորացել է. «Պետրոս Ղազարյանը ինձ եւ «Հայաստան» խմբակցության ղեկավար Սեյրան Օհանյանին հրավիրել է բանավեճի` Հանրային եթերում: Ես համաձայն եմ բանավիճել` բաց եւ հրապարակային, ուղիղ եթերով կամ ցանկացած այլ ֆորմատով: Ավելին, ես պատրաստ եմ բանավիճել միաժամանակ` գեներալներ Սեյրան Օհանյանի եւ Արթուր Վանեցյանի հետ: Հուսամ` պարոնայք գեներալները կտան իրենց համաձայնությունը եւ չեն խուսափի ինձ հետ հրապարակային բանավեճից` ի տես ամբողջ ժողովրդի»: Իյա՜ իրո՞ք, ախր սեփական քավորին ծախած Կոնջորյանն ո՞վ է, որ նրա հետ գեներալները բանավիճեն, այն էլ` միանգամից երկուսով: Ախր, բանավիճում են հավասարները, իսկ այս դեպքում ստացվում է, որ գեներալներին առաջարկվում է իջնել այդպիսի ՔՊ-ականի մակարդակի: Զարմանալի է եւ ծիծաղելի:

Իսկ ահա գեներալ ԱՐԹՈՒՐ ՎԱՆԵՑՅԱՆՆ արձանագրում է, որ Նիկոլն արդեն զարմանալիորեն պամպերսի կարիք ունի: «Երեկվա գործողությունները լավ եմ գնահատում, մենք ասել ենք, որ մեր ակցիաները խաղաղ բնույթ են կրելու, եւ մենք իրականացնելու ենք այդ ակցիաներն այնքան ժամանակ, մինչեւ հանրության լայն շերտերը կմիանան պայքարին: ...Այո, Նիկոլ Փաշինյանը վախեցած է, իշխանությունը խուճապի մեջ է: Մեր գործողությունները չենք դադարեցնելու, ավելի հուժկու, ինտենսիվ ենք գործելու»,- ասաց Վանեցյանն ու ցույց տվեց քաղաքացիների հոսքն ու շեշտեց` տեսեք, արդյունավետ է, թե` ոչ: Եվ իրոք` ոստիկանական 46 ավտոբուս, 28 բեռնատար, 17 «Գազել» եւ 3000 ոստկան... Ախր այդպիսի «զորքով» հանգիստ կարելի է Շուշի գնալ, իսկ կապիտուլյանտը գնում է ընդամենը ԱԺ, ներսում էլ ամբիոնին թիկնապահներով է մոտենում: Ֆո՛ւ, էդ ինչ հոտ եկավ:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝