ՔԱՂԱՔԱԿԱՆ ՀՈՒՄՈՐ

ՆՈՐ ՕՐԵՐԻ ԵՐԳԸ՝ ՀԻՆ ՕՐԵՐԻ ԵՐԳԻ ՆՄԱՆՈՒԹՅԱՄԲ

(ՆԻԿՈԼԸ` ԱՆԴՐԱՆԻԿ ՔՈՉԱՐՅԱՆԻՆ, ԸՆԴԴԻՄՈՒԹՅԱՆ ԿՈՂՄԻՑ ԻՐ ՀՐԱԺԱՐԱԿԱՆԸ ՊԱՀԱՆՋԵԼՈՒ ԿԱՊԱԿՑՈՒԹՅԱՄԲ)

– Անդոն, դու կրնա՞ս հրաժարականի թուղթ ուտես...

* * *

ՖԻԳՈՒՐԱՆ ՏՁԵՎԱՑԵԼ Ա

(ՌՈՒԲԵՆ ՌՈՒԲԻՆՅԱՆԻ`  ՔԸԼԸՉԻ ՀԵՏ ՀԱՅ-ԹՈՒՐՔԱԿԱՆ ՀԱՇՏԵՑՄԱՆ 3-ՐԴ ՀԱՆԴԻՊՄԱՆ ԿԱՊԱԿՑՈՒԹՅԱՄԲ)

«Սեքնդ հենդ»-ից հայտնում են, որ Ռուբեն Ռուբինյանը  գնացել էր թուրքական քըլչի բազար՝ Նիկոլի գարուն-ամառ պահարանը համալրելու նպատակով, քանի որ նրա ծիծիկները մեծացել են, ու ոչ մի բան նորմալ վրան չի նստում:

* * *

ՄԻԱՅՆ ԳՈՂՈՒԹՅՈՒՆ, ՇՈՒՐԱ

Փաստաբանների պալատից հայտնում են, որ Նիկոլը անհնազանդության շարժմանը  դատի է տվել՝ իր «անցնցում խաղաղ հեղափոխության» հեղինակային իրավունքը գողանալու համար:

* * *

ՄԻ ՀՐԱԺԱՐԱԿԱՆԻ ՊԱՏՄՈՒԹՅՈՒՆ

– Կտա՛ս:

– Չե՛մ տա:

– Խելոք ես, կտա՛ս...

* * *

ԲԵՐԵՏԱՎՈՐ ՋԵԲԿԻՐԸ

(ԿԱՐՄԻՐԲԵՐԵՏԱՎՈՐԻ ԿՈՂՄԻՑ՝ ՑՈՒՑԱՐԱՐԻ ԳՐՊԱՆԻՑ 200.000 ԴՐԱՄ ԳՈՂԱՆԱԼՈՒ ԿԱՊԱԿՑՈՒԹՅԱՄԲ)

Ոստիկանությունից հայտնում են, որ որեւէ արտառոց բան տեղի չի ունեցել, ուղղակի ոստիկանը էս ամիս պրեմիա չի ստացել ու խնդրում է ըմբռնումով մոտենալ:

* * *

ԻՄՈՒՆԻՏԵՏԻ ՍՈՎ

(44-ՕՐՅԱ ՊԱՏԵՐԱԶՄԻ ՀԱՆԳԱՄԱՆՔՆԵՐՆ ՈՒՍՈՒՄՆԱՍԻՐՈՂ ՔՆՆԻՉ ՀԱՆՁՆԱԺՈՂՈՎԻ ԱՆԳՈՐԾՈՒԹՅԱՆ ԿԱՊԱԿՑՈՒԹՅԱՄԲ)

Ըստ ռազմական փորձագետների,  պատերազմական հանցագործություններն Անդոնով պա-շտպանվելը Նիկոլին չի հաջողվի:

* * *

ՉԻ ՎԱԽԵՑԵԼ ՈՒ ՉԻ ՎԱԽԵՆՈՒՄ

(ՆԻԿՈԼ ՓԱՇԻՆՅԱՆԻՆ 46 ԱՎՏՈԲՈՒՍ ԵՎ 3000 ՈՍՏԻԿԱՆ ԱԺ ԳՆԱԼՈՒՑ ՈՒՂԵԿՑԵԼՈՒ ՏԵԼԵԳՐԱՄԻ ՀՐԱՊԱՐԱԿՈՒՄՆԵՐԻ ԿԱՊԱԿՑՈՒԹՅԱՄԲ)

Վարչապետի թիկնազորից հայտնում են, որ ուղեկցող 46 ավտոբուսներում չեն եղել ոստիկաններ, այլ պամպերսներ եւ հանգստացնող միջոցներ են եղել, եւ նա վախեր չունի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝