Օդի ջերմաստիճանը կնվազի 5-7 աստիճանով, սպասվում է անձրև և ամպրոպ. եղանակի տեսություն

Հանրապետության տարածքում մայիսի 6-10-ը շրջանների զգալի մասում սպասվում են անձրևներ և ամպրոպ, հնարավոր է կարկուտ,- այս մասին հայտնում են «Հայհիդրոմետ» կենտրոնից։
Օդերեւութաբանները ջերմաստիճանի անկում են կանխատեսում 5-7 աստիճանով։
Հայաստանի հյուսիսում՝ Շիրակի մարզում, մայիսի 6-ին և 7-ին օդի ջերմաստիճանը կլինի +9-12, մայիսի 8-ին՝ +10-15, մայիսի 9-ին և 10-ին՝ +10-13 աստիճան տաքություն։
Հանրապետության հարավում՝ Սյունիքի նախալեռներում, մայիսի 6-ին սնդիկի սյունը կբարձրանա մինչև +14, մայիսի 7-ին՝ +10։ Մայիսի 8-ին և 9-ին կդիտվի համապատասխանաբար +9-12 և +7-10 աստիճան տաքություն։ Մարզի հովտային շրջաններում օդը կտաքանա մինչև +20 աստիճան։
Երևանում մայիսի 6-10-ը սպասվում են անձրևներ և ամպրոպ, քամու ուժգնացում՝ 15-18 մ/վրկ:
Երևանում մայիսի 6-ին ցերեկը սպասվում է +16-18, երեկոյան՝ +13-15։