Հայ ձյուդոյիստները անհաջող են հանդես եկել Եվրոպայի առաջնությունում

Սոֆիայում ավարտվել է ձյուդոյի Եվրոպայի առաջնությունը: Հայաստանի ներկայացուցիչներ, 73 կգ քաշայիններ Արսեն Ավետիսյանը և Ֆերդինանդ Կարապետյանը անմասն են մնացել խաղարկված մեդալներից: Այս մասին հայտնում է ՀԱՕԿ-ի պաշտոնական կայքը:

Արսենը առաջին գոտեմարտում Կոսովոյի պատվիրակին հաղթելուց հետո, երկրորդ փուլում պարտվել է ռումինացի մրցակցին և դուրս մնացել պայքարից:

Ֆերդինանդ Կարապետյանն էլ մեկնարկում հանդիպել է ռումինացու հետ, սակայն պարտություն է կրել և լքել պայքարը:

Տղաները վերադարձել են Գորի, միացել են այնտեղ մարզվող թիմակիցներ Գասպար Հայրապետյանին, Շահեն Աբաղյանին (երկուսն էլ` 60 կգ) , Արտյոմ Ղալաչյանին (66 կգ) և Մերուժան Սարգսյանին (73 կգ):

Նշած մարզիկներին, ինչպես նաև Արսեն Ավետիսյանին, հավաքականի գլխավոր մարզիչ Հովհաննես Դավթյանը կուղեկցի Բոսնիայի Սարաևո, որտեղ մայիսի 5-8-ը տեղի կունենա Եվրոպայի գավաթի խաղարկության փուլերից մեկը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝