ԶԱՐՄԱՆՔ

Auroranews-ի տեսանյութում պարզ երեւում է, թե ինչպես են արձագանքում Երեւանում ԿԱՊԻՏՈՒԼՅԱՆՏԻ կորտեժին` վարորդները բոլորը միասին կատաղի ազդանշան են տալիս: Թե «սիգնալի» այդ ձեւերը զարմանալիորեն որ հայհոյանքներին են համապատասխանում, մանրամասնորեն կարող է բացատրել տաքսու ցանկացած վարորդ: Իսկ «Քաղաքացիական գիտակցություն» ՀԿ նախագահ Նարեկ Սամսոնյանն արձանագրում է. «Կապիտուլյանտի վիճակը արդեն հասնում է պատմական հակառեկորդին: Այո, այո հողատուին այլեւս այսպես են դիմավորում եւ ճանապարհում Երեւանի փողոցներում: Նա այլեւս Հայաստանի ամենաատելի առաջնորդն է, ու ես ուղղակի չեմ պատկերացնում` ինչ կլինի, երբ սա հայտնվի ժողովրդի ձեռքերում: Հողատու, սրանից հետո դու Հայաստանում այ սենց` գաղտագողի ու վախեցած ես ման գալու ու աղոթելու ես, որ գոնե էս ամեն ինչից հետո բանտախցում ցմահ նստելուն արժանանաս»: Բայց արդյո՞ք աղոթել գիտի, ինչքան էլ փորձի իր ելույթներում ի ցույց դնել սաղմոսների իմացությունը ճիշտ այնպես, ինչպես ԽՍՀՄ տարիներին կոմունիզմի վրա թքած ունեցած ուսանողներն անգիր էին անում «գիտական կոմունիզմը» եւ «մարքսիզմ-լենինիզմը»: Միգուցե, սատանային է աղոթում, սակայն սատանի ականջը սովորաբար խուլ է` իրեն աղաչանքով դիմողների պարագայում:

Ի դեպ, հոգեբանները վաղուց են նկատել, որ լկտի եւ ցինիկ պահվածքը հաճախ լինում է սոսկ սեփական վախերը թաքցնելու կամ խլացնելու միջոց: Այդ զարմանալի օրինաչափության շրջանակներում է տեղավորվում եւ «Շիշ բռնողի» եղբոր` ՆԱԻՐԻ ՍԱՐԳՍՅԱՆԻ խոսքն ի պատասխան լրագրողների հարցերի: Լրագրողի հարցին` իսկ Դուք ինչո՞վ եք զբաղվելու Հայաստանում իշխանափոխությունից հետո, Նաիրի Սարգսյանն անհանգիստ շարժում արեց եւ հայտարարեց. «Առաջիկա տասը տարում Հայաստանում իշխանափոխություն չի լինելու»: Դե արի ու մի ասա` իյա՜, իրո՞ք... բա որ առաջիկա տասն օրում խունտան հանկարծ ուղեւորվի ուղիղ գրողի ծոցը: Իսկ այն հարցին, թե աշխատելով պետական պաշտոնո՞ւմ, ինչպես է գումարներ կուտակելու հետագայում բիզնես գործունեություն ծավալելու համար` Նաիրի Սարգսյանը հեգնանքով պատասխանեց.  «Թալանած գումարներով»: Բայց հեգնանքը զարմանալի է եւ անտեղի, չէ՞ որ դեռ ԼՏՊ-ի օրերից հանրությունը լավ գիտի, թե ինչպիսի «բարի ավանդույթ» է ձեւավորել Նաիրի Զարեհիչի հայրիկը...

Իսկ ռազմական փորձագետ ԿԱՐԵՆ ՀՈՎՀԱՆՆԻՍՅԱՆԸ զարմանալիորեն դեռ թուրքական օրակարգ պաշտպանողների աչքն է խոթում թարմ փաստը, որ թուրքը մնում է թուրք. «Թրքասերներ, ձեր սրտով գործողություն է եղել: Թըրքին իրենց եղբայր համարողներ, ձեր եղբայրները ձեր պապերի հիշատակն են պղծել: Ապրիլի 24-ին Բրյուսելի Անրի Միշոն Իքսել թաղամասում Հայոց ցեղասպանության հուշարձանի մոտ հարգանքի տուրք են տալիս ինչպես հայ համայնքը, այնպես էլ քաղաքապետարանից ներկայացուցիչներ եւ այլ պաշտոնյաներ: Արդեն ապրիլի 25-ին որոշ բիոզանգվածի պաշտելի թուրքը Հայոց ցեղասպանության անմեղ զոհերի հիշատակը հավերժացող հուշակոթողը պղծում են իրենց պիղծ ձեռագրին համահունչ: Պատկերացնում եք, սա այլ երկրում, բա ինչ կանեն, որ բերեք նստեցնենք գլխներիս... Մահ թշնամուն»: Դե, երեւի սեփական չհայ արյան կանչով են «խաղաղության դարաշրջան» ազդարարում` հուսալով, որ թուրքն իրենց չի դիպչի: Բայց ախր առաջինը հենց իրենց կմորթի, չէ՞ որ անգամ թուրքը դավաճաններին չի սիրում:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝