Ուկրաինայում սպանվել է ամերիկացի վարձկան, 22-ամյա նախկին ծովային Ջոզեֆ Կանսելը։
Մարտի կեսերին մասնավոր ռազմական կազմակերպության կազմում Ուկրաինա կռվելու գնացած ամերիկացի վարձկանի մահվան մասին հայտնել է նրա ընտանիքը: ԱՄՆ քաղաքացու մահվան մասին տեղեկությունը հաստատել է նաև Պետդեպարտամենտը։
Միաժամանակ Կանսելի հարազատներին (ԱՄՆ-ում նա թողել է մորը, կնոջը և 7 ամսական երեխային) ծանուցվել է, որ նախկին ծովայինի դին չի հայտնաբերվել։
Ուկրաինայում ԱՄՆ քաղաքացու մահվան համատեքստում Պետդեպարտամենտն ասել է, որ խստորեն խորհուրդ է տալիս ամերիկացիներին՝ չմեկնել Ուկրաինա, և նրանք, ովքեր այնտեղ են, պետք է «անհապաղ լքեն երկիրը՝ օգտվելով առկա ցամաքային տրանսպորտից»։
