Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Հովիկ Աբրահամյանի նկատմամբ համաներում է կիրառվել

Առողջապահական

ՀՀ նախկին վարչապետ Հովիկ Աբրահամյանի եղբայրը՝ Հենրիկ Աբրահամյանը, մեղավոր է ճանաչվել առաջադրված մեղադրանքում և դատապարտվել ազատազրկման՝ 2 տարի ժամկետով, սակայն նրա նկատմամբ համաներում է կիրառվել, ինչի հետևանքով Աբրահամյանն ազատվել է ազատազրկման ձևով նշանակված պատժի կրումից։

Հիշեցնենք, որ քրեական գործով մեղադրյալները երկուսն են։ Հենրիկ Աբրահամյանը, որը ՀՀ նախկին վարչապետ Հովիկ Աբրահամյանի եղբայրն է և հայտնի է որպես «Ջոնիկ». մեղադրվում էր ՀՀ ՔՕ 235-րդ հոդվածի 2-րդ մասի հատկանիշներով, այն է՝ ապօրինի կերպով մի խումբ անձանց հետ նախնական համաձայնությամբ հրազեն և ռազմամթերք պահելը։ Գործով մյուս մեղադրյալը Մրգավետ գյուղի բնակիչ Ամբիկ Գևորգյանն է, ում հետ, ըստ մեղադրանքի, նախնական համաձայնությամբ, վերջինիս անվամբ ձևակերպված, սակայն փաստացի Հենրիկ Աբրահամյանի եղբոր՝ Հովիկ Աբրահամյանին պատկանող Արարատի մարզի Մխչյան նախկին մեխանիկավերանորոգման գործարանի տարածքում ապօրինի կերպով պահել է ռազմամթերք։ Հենրիկ Աբրահամյանի նկատմամբ որպես խափանման միջոց ընտրվել էր գրավը, իսկ Ամբիկ Գևորգյանի նկատմամբ՝ ստորագրություն երկրից չհեռանալու մասին։

Արարատի և Վայոց Ձորի մարզերի ընդհանուր իրավասության դատարանը՝ դատավոր Թաթուլ Պողոսյանի նախագահությամբ, շուրջ մեկ ամիս առաջ հրապարակել է գործով դատավճիռը։ Դատարանը վերաորակել է Հենրիկ Աբրահամյանին և Ամբիկ Գևորգյանին վերագրվող՝ մի խումբ անձանց կողմից նախնական համաձայնությամբ զենք-զինամթերք պահելու մեղադրանքը՝ որակելով այն ՀՀ ՔՕ 235-րդ հոդվածի 1-ին մասով։ Այսինքն, դատարանը գտել է, որ տվյալ պարագայում ամբաստանյալները կազմակերպված խմբի կազմում չեն գործել։

Հենրիկ Աբրահամյանը մեղավոր է ճանաչվել ՀՀ ՔՕ 235-րդ հոդվածի 1-ին մասի հատկանիշներով և դատապարտվել ազատազրկման՝ 2 տարի ժամկետով, սակայն նրա նկատմամբ համաներում է կիրառվել, ինչի հետևանքով Աբրահամյանն ազատվել է ազատազրկման ձևով նշանակված պատժից։ Դատարանը մեղավոր է ճանաչել նաև գործով անցնող մյուս ամբաստանյալին՝ Ամբիկ Գևորգյանին՝ նրան ևս դատապարտելով ազատազրկման՝ 2 տարի ժամկետով և վերջինիս պարագայում ևս՝ համաներում կիրառել։

Հավանեցի՞ր հոդվածը, կիսվիր ընկերներիդ հետ