ԱՊՐԻԼԻ 30-Ի ՀԱՄԵՐԳԸ ՆՎԻՐՎԱԾ Է ՀԱՅ-ՌՈՒՍԱԿԱՆ ԴԻՎԱՆԱԳԻՏԱԿԱՆ ՀԱՐԱԲԵՐՈՒԹՅՈՒՆՆԵՐԻ 30-ԱՄՅԱԿԻՆ

«Իրավունքը» զրուցեց «Ուժեղ Հայաստան Ռուսաստանի հետ. հանուն նոր Միության» շարժման խորհրդի անդամ, ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆԻ հետ:

– Տիկին Ներսիսյան, ապրիլի 30-ին կայանալիք տոնական համերգի` նվիրված հայ-ռուսական դիվանագիտական հարաբերությունների 30-ամյակի վերաբերյալ ի՞նչ կարծիք ունեք:

– Ամեն անգամ եւ ամեն առիթով ես նորից ու նորից եմ համոզվում, թե որքան ճիշտ են եղել մեր նախնիներըª սկսած Դավիթ Բեկից, Հասան Ջալալյանից, Իսրայել Օրուց եւ մեր մեծ լուսավորիչ Խաչատուր Աբովյանից, որոնք համոզված էին, որ մեր` հայերիս ճանապարհը ռուսների հետ է: Եվ ոչ ոք  չի կարող սադրել հայ եւ ռուս ժողովուրդների դարավոր բարեկամությունը:

– Մշակութային առումով հայ-ռուսական բարեկամության մասին Ձեր վերաբերմունքն ինչպիսի՞ն է:

– Որպես մշակույթի բնագավառի ներկայացուցիչ` ցանկանում եմ նշել, որ մեծ է եղել ռուսական մշակույթի ազդեցությունը մեր ժողովրդի վրա: Անկասկած, մեր շատ տաղանդավոր հայ մշակույթի գործիչներ սովորել եւ կրթվել են Ռուսաստանում` իրենց վրա կրելով ռուսական բարձր մշակույթի ազդեցությունը: Եվ այդ փոխհամագործակցությունը այսօր եւս պետք է շարունակվի: Նշեմ, որ ապրիլի 30-ին կայանալիք համերգը, որը տեղի կունենա Երեւանի Շահումյանի արձանի մոտ, կազմակերպվում է «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ Հայկ Բաբուխանյանի նախաձեռնությամբ եւ Մհեր Մեսրոպյանի մասնակցությամբ  եւ կազմակերպչական գործունեությամբ: Ես ողջունում եմ նրանց նախաձեռնությունը:

ՆՈՒՆԵ ԶԱՔԱՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝