Իրականում ինչ ծրագիր են իրականացնում իշխանությունները (Բացահայտում)

ՀՀ վաստակավոր արտիստ, դերասան ԱՐՏԱՇԵՍ ԱԼԵՔՍԱՆՅԱՆԻ կարծիքով՝ այն, ինչ տեղի է ունենում այսօր, այդ մասին խոսվել է դեռ 1945 թվականին՝ բեռլինյան հայտնի հանրահավաքի ժամանակ՝ ամերիկացի քաղաքական գործիչ Ռոբերտ Քենեդու կողմից, որի բովանդակությունը հետեւյալն էր. «Քաոս սփռելով՝ մենք աննկատ իրենց իրական արժեքները կեղծելով կփոխենք, կստիպենք նրանց հավատալ այդ կեղծ արժեքներին։Արվեստը թուլացնել, գրականությունը «բարոյական» պոռնոգրաֆիկ ձեւերի բերել։ Գրականությունից եւ արվեստից մենք դուրս կմղենք նրա հասարակական էությունը, նկարիչներից դուրս կմղենք ժողովրդի ոգու խորքում կատարվող գործընթացների պատկերման եւ ուսումնասիրությունների ցանկությունը, իսկ գրականությունն ու կինոն պետք է պատկերեն եւ փառաբանեն միայն ամենազազրելի մարդկային զգացումները։ Նոր սերունդին թունավորել հակասական-բարոյական ազդեցություններով, անբարոյականությամբ։ Արմատական տեսություններով, բանաձեւերով եւ գաղափարներով կարծիքները թունավորել, սոցիալական դասակարգերի միջեւ ստեղծել աղմուկ, իրարանցում, քաոս, ատելություն եւ անվստահություն սերմանել: Տարածել անիմաստ գաղափարներ, ազգաբնակչությանն անիրականանալի գաղափարներով սխալ ուղու վրա դնել: Անսահման ճոխությամբ, շքեղ կյանքով, գլխապտույտ առաջացնող նորաձեւություններով խելակորույս մսխումների մղել: Մեծամասնության ժամանակը տոներով եւ խաղերով զբաղեցնել, ամեն մի լուրջ, դրական միտք, մտածում խանգարել: Քայքայել ընտանեկան կյանքը։ Մենք պետք է օգնենք եւ բարձրացնենք այնպիսիներին, ովքեր կսկսեն սերմանել ու ներարկել մարդկային գիտակցության մեջ սեքսի, բռնության, սադիզմի, դավաճանության, այլ խոսքով՝ ցանկացած անբարոյականության պաշտամունք։ Կառավարիչներ նշանակել ստորին խավի մարդկանց: Վերին խավի հոգեւոր ուժը ամբողջովին տկարացնել եւ քայքայել: Քայքայել հարգանքը սրբությունների նկատմամբ, հեղինակավոր, հարգանք վայելող անձնավորությունների մասին հորինել ստոր եւ վուլգար պատմություններ։ Մենք աննկատ, բայց ակտիվ ու մշտապես կօժանդակենք հիմարությանը, կաշառակերությանը, անսկզբունքայնությանը: Ազնվությունն ու օրինավորությունը կծաղրվեն, կդառնան անցյալի մնացուկ ու ոչ մեկին այլեւս պետք չեն լինի։ Ստահակությունն ու անամոթությունը, միմյանց նկատմամբ անասնական վախը, դավաճանությունն ու թշնամությունը կսերմանենք աննկատորեն։ Միայն քչերը, շատ քչերը կենթադրեն կամ կհասկանան, թե ինչ է կատարվում, բայց նման մարդկանց մենք կդնենք անօգնական վիճակի մեջ, կդարձնենք խեղկատակ, կգտնենք միջոցներ նրանց զրպարտելու եւ հասարակության տականք հայտարարելու համար»։

Նշենք, որ Ա. Ալեքսանյանը եւս միացել է Հայկական Արժեքների Պաշտպանության «ԿԱՄՔ» հասարակական նախաձեռնության կազմակերպած սեպտեմբերի 7-ին կայանալիք հանրահավաքին, որի օրակարգում է ՀՀ ԿԳՄՍ նախարար Արայիկ Հարությունյանի հրաժականի պահանջը:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝