ԵՐԵՎԱՆԸ ՆՈՒՅՆՊԵՍ ՄԻԱՆՈՒՄ Է ԳՅՈՒՄՐՈՒ ԱՆՕԹԵՎԱՆ ԸՆՏԱՆԻՔՆԵՐԻՆ ԱՋԱԿՑԵԼՈՒ ՆԱԽԱՁԵՌՆՈՒԹՅԱՆԸ
Արխիվ 12-16
ԵՐԵՎԱՆԸ ՆՈՒՅՆՊԵՍ ՄԻԱՆՈՒՄ Է ԳՅՈՒՄՐՈՒ ԱՆՕԹԵՎԱՆ ԸՆՏԱՆԻՔՆԵՐԻՆ ԱՋԱԿՑԵԼՈՒ ՆԱԽԱՁԵՌՆՈՒԹՅԱՆԸ
Գյումրու անօթեւան ընտանիքներին աջակցելու համար մի խումբ անձինք հանդես են եկել` Գյումիրիում ծայրահեղ ծանր պայմաններում ապրող 13 ընտանիքների համար բնակարան գնելու նախաձեռնությամբ, որի շրջանակներում արտասահմանցի եւ հայ բարերարների ու անահատների օգնությամբ անցկացնում են հանգանակություններ, տոնական միջոցառումներ, աճուրդներ եւ այլն: Որից ստացած ամբողջ հասույթը տրամադրվելու է անօթեւանների համար բնակարան գնելու համար: Նախաձեռնության հեղինակ, լուսանկարիչ ՀԱՅԿ ԲԱՐՍԵՂՅԱՆ խոսքով`արդեն 28 տարի է ինչ Գյումիրիում սեփական մաշկի վրա է զգում, թե ինչ է նշանակում ապրել ծայրահեղ ծանր պայմաններում եւ չունենալ բնակարան: «2 տարի առաջ ծայրահեղ ծանր պայմաններում ապրող ընտանիքներին նվիրված ֆոտոշարք ներկայացրեցի, հուսալով , որ համապատասխան մարմիններն ուշադրություն կդարձնեն խնդրին: Սակայն որեւէ տեղաշարժ չեղավ: Այս տարի որոշեցինք սկսել նախաձեռնություն, որպեսզի բնակարան գնենք 13 ընտանիքների համար: Այն ընտանիքների, որտեղ երեխաները գիշերները չենք քնում առնետների պատճառով, որտեղ դույլն օգտագործում են որպես զուգարան, որտեղ պատերի մեջ բամբակ են մտցնում, որ բաց անցքերից չփչի»,-նշեց Հ. Բարսեղյանը եւ հավելեց, որ այս ամենը համապտասխան մարմինների անգործության հետեւանքն է: Ըստ նրա, նախաձեռնության նպատակներից մեկն էլ խնդրին հնչեղություն տալն է, որպեսզի համապատասխան անձինք վերջապես զգան այն պատասխանատվությունը, որի համար զբաղեցնում են պաշտոն: Նրա փոխանցմամբ`այս պահին արդեն հավաքվել է մոտավորապես 13 հազար դոլար, որով հնարավոր է ձեռք բերել մեկ բնակարան:
Գյումրու անօթեւան ընտանիքներին կաջակցի նաեւ Երեւանը`«Գյումրին Երեւանի կողքին է» նախաձեռնությամբ: Մի քանի օր շարունակ Երեւանի տարբեր հատվածներում կանցկացվեն միջոցառումներ եւ աճուրդներ, որի ընթացքում աճուրդով կվաճառվեն հայտնի ֆուտբոլիստների, օլիմպիական չեմպիոների մարզակոշիկներ եւ հագուստներ, ինչպես նաեւ նրանց ստորագրությամբ ցուցապաստառներ եւ գնդակներ: Ի դեպ, կվաճառվի նաեւ հայտնի ջազ երաժիշտ Տիգրան Համասյանի վերնաշապիկը:
Նշենք, որ ի առակցություն Գյումրու անօթեւան ընտանիքների, այսօր Գյումրիում նախատեսված է Տ. Համասյանի համերգը: Նա ելույթ կունենա անօթեւանների կացարաններից մեկում:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
8620 դիտում
2
2244 դիտում
3
2096 դիտում
4
2028 դիտում
5
1935 դիտում
1
17601 դիտում
3
7990 դիտում
4
6253 դիտում
5
5173 դիտում
3
8257 դիտում
5
7514 դիտում
