ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

ԻՆՉՈՒ ԵՆ ԱՂՄԿՈՒՄ ՕԵԿ-Ն ՈՒ ԲՀԿ-Ն

Արխիվ 12-16

ԻՆՉՈՒ ԵՆ ԱՂՄԿՈՒՄ ՕԵԿ-Ն ՈՒ ԲՀԿ-Ն

 

Եվ այսպես մեկնարկեց Ազգային ժողովի արտահերթ նիստը, որը նվիրված է դաշնակներին պաշտոն տալու խնդրին: Ի դեպ, հենց այդպես էլ հարցը ներկայացրեց Արդարադատության նախարար Արփինե Հովհաննիսյանը, որը նշեց, որ քաղաքական պայմանավորվածությունների եւ նպատակահարմարության արդյունքում պետք է ստեղծել նոր նախարարական պաշտոն: Իհարկե խոսք անգամ չէր գնում, ինչպիսի նոր ծրագրեր եւ նոր խնդիրներ պետք է լուծի դաշնակցության համար հատուկ բացվող նախարարությունը: Նստաշրջանի հենց բացմանն անմիջապես պարզ դարձավ, որ դաշնակների իշխանության մեջ մտնելով Օրինաց երկիրը եւ ԲՀԿ-ն մղվեցին դեպի ավելի խիստ ընդդիմադիր դիրքեր: ՕԵԿ-ն ընդհանրապես բոյկոտեց նիստը, իսկ ԲՀԿ-ն դեմ քվեարկեց առաջարկվող օրակարգին եւ իր ելույթների տոնայնությունից պարզ դարձավ, որ ստեղծվող կոալիցիան, ի դեմս ԲՀԿ-ի, կրկին անգամ ձեռք բերեց խիստ, իսկ գուցե անհաշտ ընդդիմություն:

Այսպիսով նաեւ փոխվում են Հայաստանի ներքաղաքական պատկերը: Չի բացառվում, որ վերականգնվի ընդդիմադիր քառյակը, որի մեջ ՀՅԴ-ի փոխարեն իր տեղը կգրավի ՕԵԿ-ը:

Ինչ վերաբերում է ԲՀԿ-ին, ապա անցած տարվա փետրվարյան դեպքերից հետո, շուրջ մեկ տարի մնալով իշխանամետ դիրքերի վրա, ԲՀԿ-ն պետք է որ նորից վերադառնա ընդդիմադիր դաշտ, իսկ դա կբերի նրան, որ ԲՀԿ-ի ներսում նորից կսկսեն վերաբաշխման գործընթացներ: Այսպես կոչված քոչարյանական թեւը՝ Օսկանյան, Վահե Հովհաննիսյան, Էլինար Վարդանյան եւ այլոք, հավանաբար իրենց ավելի վստահ կզգան ընդդիմադիր ԲՀԿ-ում: Իսկ գործարար պատգամավորները՝ Աբրահամ Մանուկյանի գլխավորությամբ, որոնք ի դեպ երազում էին լինել կոալիցիայում ՀՅԴ-ի փոխարեն, անհարմարավետություն կզգան ԲՀԿ-ի ընդդիմադիր լինելուց եւ չի բացառվում նոր թափ սկսի ԲՀԿ-ից պատգամավորների դուրս գալու գործընթացը:


ԱՐՄԵՆՈՒՀԻ ՀԱԿՈԲՅԱՆ


Հավանեցի՞ր հոդվածը, կիսվիր ընկերներիդ հետ