ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

«ԴԱՇՆԱԿՑՈՒԹՅԱՆ ՆԵՐՍՈՒՄ ՊՐՈԲԼԵՄ ՄԻ՛ ՓՆՏՐԵՔ»

Արխիվ 12-16

«ԴԱՇՆԱԿՑՈՒԹՅԱՆ ՆԵՐՍՈՒՄ ՊՐՈԲԼԵՄ ՄԻ՛ ՓՆՏՐԵՔ»

 

Մամուլում շրջանառվող տեղեկությունների համաձայն` ՀՅԴ-ականների շարքերում կռիվ է ընկել, թե ՀՀԿ-ի հետ կոալիցիա կազմելով` ով է ստանձնելու Շիրակի մարզպետի պաշտոնը: Մի մասը պաշտպանում է Շիրակի մարզպետարանի ֆինանսատնտեսական վարչության պետի տեղակալ Հովսեփ Սիմոնյանի, մյուսը` ՀՀ գյուղատնտեսության նախարարության ջրային տնտեսության պետական կոմիտեի նախագահի տեղակալ Հակոբ Մաթիլյանի թեկնածությունը: Եվ սա էլ քիչ էր, ասում են` մարզի գյուղապետերը, պատգամավորները ու նույնիսկ ընդդիմադիր զանգվածն ընդհանրապես դեմ է ներկայիս մարզպետի` Ֆելքիս Ցոլակյանի պաշտոնանկությանը: Մինչդեռ «Իրավունքի» հետ զրույցում ԱԺ ՀՅԴ խմբակցության պատգամավոր ԱՐԾՎԻԿ ՄԻՆԱՍՅԱՆԸ, ում անունն, ի դեպ, շրջանառվում է որպես հնարավոր ապագա նախարար, վստահեցրեց, որ վերոնշյալ տեղեկատվության մեջ որեւէ իսկություն չկա.

– Եթե հիշում եք, սկզբում լրատվական միջոցները գրեթե բոլոր դաշնակցականներին որտեղ ասես «նշանակեցին» ու «հանեցին»: Հետո տեսան, որ սա չի ազդում իրական քննարկումների վրա, սկսեցին արդեն փորձել գտնել պրոբլեմ Դաշնակցության ներսում: Չկա այդպիսի բան, Դաշնակցության ներսում պրոբլեմ մի՛ փնտրեք: Այդպիսի խնդիր չի կարող լինել եւ եթե լինի էլ, Դաշնակցությունն իր կանոնագրին համապատասխան ունի դրանից դուրս գալու իրական մեխանիզմ` քննարկումներ, նիստեր, ժողովներ, որոշումներ, այդ թվում` նաեւ հակակուսակցական պահվածքի համար պատժի տեսակներ: Բայց, փառք Աստծո, մենք այս պահին չունենք  նման առճակատում: Բնական է, առողջ քննարկում միշտ էլ կա, եւ այդ տեսակետից մեզ համար կադրերի հարցը երրորդական է եղել: Մեր քննարկումների հենց առաջին օրվանից սկսած` ասել ենք, որ երկրի ապագայի եւ սահմանադրական փոփոխություններից բխող բարեփոխումների մասին է խոսքը: Եվ ցանկացած անձ, ով պաշտոնի է նշանակվելու, դա ոչ թե առավելություն է, ոչ թե լրացուցիչ իրավունք է կամ դիրքը բարձրացնելու հնարավորությունների ընդլայնում, այլ պատասխանատվության մեծ բեռ: Ուստի` եթե կուսակցական ընկերները ստանձնում են այդ պատասխանատվությունը, պետք է միայն ողջունել, հետեւաբար Դաշնակցության ներսում նման հարցերի վերաբերյալ բախումներ չեն կարող լինել:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ