ՌՈԲԵՐՏ ՔՈՉԱՐՅԱՆԸ «ՆՅԱՐԴԱՆՈ՞ՒՄ» Է
Արխիվ 12-16
ՌՈԲԵՐՏ ՔՈՉԱՐՅԱՆԸ «ՆՅԱՐԴԱՆՈ՞ՒՄ» Է
Դատելով տեղեկատվական դաշտի վարքագծի որոշ նրբերանգներից, ինչպես նաեւ Ռոբերտ Քոչարյանի ճամբարից որոշ արտահոսքերից, ՀՀ երկրորդ նախագահին անհանգստացրել են որոշ իրադարձություններ, որոնք տեղի են ունեցել վերջերս: Դրանք երեքն են` ԱԱԾ նոր պետի նշանակման ժամանակ Սերժ Սարգսյանի հնչեցրած հակակոռուպցիոն շեշտադրումները, Սերժ Սարգսյանի փետրվարի 12-ի հիմնարար ելույթում պետական չինովնիկներին առաջադրված չափանիշները, ինչպես նաեւ ՀՀԿ-ՀՅԴ կոալիցիայի ստեղծումը:
Մեր աղբյուրների փոխանցմամբ` Ռոբերտ Սեդրակիչը մտավախություն ունի, որ Գեորգի Կուտոյանի ղեկավարությամբ ԱԱԾ-ն առաջին հերթին նշանառության տակ կառնի հենց բյուրոկրատիայում առկա քոչարյանական կադրերին, որ նոր պահանջներին չհամապատասխանելու ցուցանիշով նույնպես առաջին հերթին չինովնիկությունը կմաքրվի քոչարյանականներից: Ինչ վերաբերում է ՀՅԴ-ի հետ ՀՀԿ-ի կոալիցիա կազմելուն, ապա մեր աղբյուրների վկայությամբ` ՀՀ երկրորդ նախագահի մոտ ծրագրեր կային 2017-ի ընտրությունների նախօրեին պայմանավորվածության գալ դաշնակների հետ, եւ անգամ այդ ուղղությամբ որոշակի խորհրդակցություններ են անցկացվել, մասնավորապես, այնպիսի գործիչների հետ, ինչպիսիք են Աղվան Վարդանյանը եւ ՀՅԴ-ի նույն թեւի ներկայացուցիչները: Այժմ այդ կոալիցիայի ստեղծումը փաստորեն խաչ է քաշում Քոչարյանի այդ ծրագրերի վրա, եւ քաղաքական առումով նրա հույսը մնում են միայն ԲՀԿ-ում առկա օսկանյանական կադրերը: Դա անգամ կարող է իմաստազրկել օսկանյանական կուսակցության ստեղծումը որպես այդպիսին: Իսկ պետական բյուրոկրատիայում սեփական աջակիցներից զրկվելու հեռանկարը Ռոբերտ Սեդրակիչին զրկում է նաեւ իր սիրելի ստվերային տեխնոլոգիաների արդյունավետ կիրառման հնարավորությունից:
Հ. ՏԵՐ-ՎԱՀԱՆՅԱՆ
Բաժանորդագրվե՛ք https://t.me/iravunk
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
1
9769 դիտում
2
3169 դիտում
3
2251 դիտում
4
2225 դիտում
5
2093 դիտում
1
17616 դիտում
3
8003 դիտում
4
4030 դիտում
5
3834 դիտում
3
8257 դիտում
5
6976 դիտում
