ԵՐԵՎԱՆՈՒՄ «ՍԱՌՈՒՅՑԻ ԹԱԳԱՎՈՐՆԵՐԻՆ» ՍՏՐԱԴԻՎԱՐԻՈՒՍԻ ՋՈՒԹԱԿՈՎ ԿՄԻԱՆԱ ԷԴՎԻՆ ՄԱՐՏՈՆԸ
Արխիվ 12-16
ԵՐԵՎԱՆՈՒՄ «ՍԱՌՈՒՅՑԻ ԹԱԳԱՎՈՐՆԵՐԻՆ» ՍՏՐԱԴԻՎԱՐԻՈՒՍԻ ՋՈՒԹԱԿՈՎ ԿՄԻԱՆԱ ԷԴՎԻՆ ՄԱՐՏՈՆԸ
«Սառույցի թագավորները» սառցե շոուն, որը հետաձգվել էր Փարիզում նախորդ տարի տեղի ունեցած ահաբեկչության հետեւանքով, համալրվել է նոր ծրագրով եւ մարտին արդեն կներկայանա հանդիսատեսին: Ծրագրին կմասնակցեն Եվգենի Պլյուշչենկոն, Իրինա Սլուցկայան, Բրիան Ժուբերը, Տոմաշ Վերները, Գեւ Մանուկյանը, հայտնի ջութակահար Էդգար Հակոբյանը, Վախանգ Մուրվանիձեն, երգիչ Հայկոն, Սերգեյ Յակիմենկոն, Ջեյսոն Գրատցը, Հակոբ Մանուկյանը,Այդաս Ռեկլիսը եւ այլք:
Հայ հանդիսատեսի համար «Սառույցի թագավորները» սառցե շոուի հատուկ հյուրերն են Դիմա Բիլանը եւ հռչակավոր ջութակահար՝ Էդվին Մարտոնը, ով նվագում է մեծանուն Անտոնիո Ստրադիվարիուսի՝ 1698 թվականին ստեղծված ջութակով: Հունգար նշանավոր կոմպոզիտորը հայտնի է դասական կոմպոզիցիաները եւ գերժամանակակից հնչողությունները միավորելու եւ յուրօրինակ մշակումներ կատարելու իր առանձնահատուկ տաղանդով: Կոմպոզիտորը արժանացել է «ԷՄՄԻ» մրցանակի՝ աշխարհի հռչակավոր գեղասահորդների, օլիմպիական չեմպիոնների օլիմպիական ծրագրերի լավագույն երաժշտության համար. նրանց թվում են Եվգենի Պլյուշչենկոն, Տատյանա Տոտմյանինան, Մաքսիմ Մարինինը: 2008 թվականի մայիսին Էդվին Մարտոնն իր ընկերներ Եվգենի Պլյուշչենկոյի եւ Դիմա Բիլանի հետ հաղթեցին Եվրատեսիլում՝ 53 տարվա ընթացքում առաջին անգամ: Ի դեպ, Պլյուշչենկոյի ելույթի համար տեղադրվել էր պլաստիկե սառույցի բեմ: Արդյունքում, նրանց կատարմամբ «Believe» բեմականացումը գրավեց 1-ին տեղը:
Հայաստանում առաջին անգամ կներկայացվի այդ բեմական համարը՝ եռյակի կատարմամբ: Իսկ սիրված երգիչ Հայկոն, ով հեղինակել է «Գարեգին Նժդեհ» կինոնկարի երաժշտությունը, հայտնի ջութակահար Էդգար Հակոբյանի նվագակցությամբ կկատարի ֆիլմի սաունդթրեքը:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
9764 դիտում
2
3122 դիտում
3
2251 դիտում
4
2225 դիտում
5
2093 դիտում
1
17616 դիտում
3
8003 դիտում
4
4030 դիտում
5
3834 դիտում
3
8257 դիտում
5
6976 դիտում
