ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

ԻՆՉՊԵՍ «ՎԻՎԱՍԵԼԸ» «ԿԵՐԱՎ» 1800 ԴՐԱՄՍ

Արխիվ 12-16

ԻՆՉՊԵՍ «ՎԻՎԱՍԵԼԸ» «ԿԵՐԱՎ» 1800 ԴՐԱՄՍ

Աշխատանքային շաբաթվա ավարտին տողերիս հեղինակը որոշեց մի փոքր հանգստանալ Երեւանից դուրս: Այնքան կարեւոր չէ տվյալ դեպքում, թե ուր մեկնեցինք, կարեւորն այն է, որ հանգիստը վերածվեց իսկական քաոսի, երբ պարզվեց, որ «Վիվասելի» հեռախոսահամարի վերալիցքավորման ժամկետը է լրանում եւ ստիպված պետք է այն կայծակնային արագությամբ լիցքավորել, որպեսզի ոչ միայն չկորցնեմ հաշվիս վրա գտնվող 800 դրամը, այլեւ կապ ունենամ: Սկզբում, երբ փետրվարի 12-ին ստացա հաղորդագրություն ¥որտեղ նշված է, որ մինչեւ 13.02.16 թվականի 01:45 եթե չվերալիցքավորեք ձեր հաշիվը, այն կզրոյանա¤, թվում էր, թե դա խնդիր չէ: Թեեւ գտնվում էի մի վայրում, որտեղ լիցքավորման քարտ գտնել պարզապես հնարավոր չէր, զանգահարեցի ընկերոջս՝ խնդրեցի իր հաշվից իմ համարին վերալիցքավորի համապատասխան գումարը:

 

 

Այդպես էլ եղավ.17:31-ին ստացա հաղորդագրություն, որտեղ նշված էր, որ իմ հաշվին այսինչ բաժանորդից վերալիցքավորվեց 1000 դրամ: Հանգիստ խղճով շարունակում էի հանգիստս մինչ հաջորդ առավոտ, երբ «Վիվասելից» ստացա հաղորդագրություն. «Հարգելի բաժանորդ, Ձեր հաշիվը զրոյացած է, եթե ցանկանում եք վճարովի ծառայություններից օգտվել, պետք է վերալիցքավորեք ձեր հաշիվը»: Նախ մտածեցի, որ ընդամենը թյուրիմացություն է: Բայց` ոչ, ընկերությունից պարզաբանեցին, դա շատ էլ ճիշտ է` գումար փոխանցելը որեւէ կերպ չի ազդում «լիցքավորում» հասկացողության վրա: Այսինքն` «հարգելի բաժանորդը», ինչպես մեզ տեղեկացրեց «Վիվասելի» օպերատորը, պետք է իմանար, որ հաշվի սպառման դեպքում պետք է միայն գնի լիցքավորման քարտ ու լիցքավորի հաշիվը: Կոնկրետ դեպքում՝ պետք է մի քանի հազար դրամ ծախսեի, հասնեի մոտական բնակավայր, վերալիցքավորման քարտ գնեի... այլապես «Վիվասելը» կուլ է տալիս ոչ միայն հաշվիդ ունեցած, այլ նաեւ փոխանցումով վերալիցքավորած գումարը: «Բարի ախորժակ» մաղթելով «Վիվասելին»՝ նաեւ թաքուն հույս ունեինք, որ գոնե գրասենյակ կատարած մեր զանգը, ինչպես իրենց հարգող այլ բջջային կապի ընկերությունների մոտ, կգրանցվի որպես բողոք, տեղ կհասնի, եւ ի վերջո արդարությունը կհաղթի: Բայց ոչ, հերթական հիասթափությունն ապրեցինք, երբ տեղեկացանք, որ պետք է անձամբ անձնագրով մոտենանք մոտակա գրասենյակ, հայտնենք մեր բողոքը: Այն էլ, ոչ թե նրա համար, որպեսզի վերականգնվի մեր հաշիվը, այլ պարզապես բողոքենք, թե մեզ դուր չի գալիս «Վիվասելի» այս ընթացակարգը:

 

Սակայն հարցն ավելի էական մաս էլ ունի: Այսպիսով, եթե ժամանակին վերալիցքավորման քարտ չես գնում, «Վիվասելը» զրոյացնում է հաշիվդ: Բայց ամբողջ հարցն այն է, որ այդ հաշվի վրայի գումարը ոչ թե ընկերության, այլ բաժանորդի սեփականությունն է: Ուրիշին պատկանող գումարը այդքան հանգիստ վերցնելն ընկերությունը համարում է իր կանոնակարգը, թե՝ այդ մասին վաղօրոք է զգուշացնում: Միգուցե, ինչ-որ տեղ մանրիկ տառերով նման բան գրել են. չենք վիճում: Բայց խնդիրն այն է, որ ինչ էլ ընկերությունը գրի, ինչքան էլ, որ բաժանորդը դա չկարդալով` ստորագրի, խնդրի էությունը չի փոխվում. գումարը բաժանորդը որպես կանխավճար տվել է չստացած ծառայության դիմաց, եւ հայաստանյան ոչ մի օրենք` անկախ «հիմնավորումից», թույլ չի տալիս առանց ծառայություն մատուցելու, այսինքն՝ հենց այնպես մարդու փողերը վերցնել: Լավագույն դեպքում՝ կարող է արգելափակել հեռախոսահամարը` սակայն գումարին ձեռք չտալով, այնպես, ինչպես հայաստանյան այլ կապի օպերատորի պարագայում է:
Հաշված ժամերի ընթացքում, այն էլ՝ առանց որեւէ ծառայություն մատուցելու, բաժանորդից 1800 դրամ կորզելու այս պատմությունը, հուսանք, որ Տնտեսական մրցակցության պաշտպանության հանձնաժողովին էլ կհետաքրքրի: Մենք եւս, անշուշտ, դեռ կզբաղվենք այս խնդրով, հաշվի առնելով, որ առանց որեւէ բան տալու` մարդկանց փողերը սեփականացնելու այս պատմությունը, իհարկե եզակի դրվագ չէ: Թե չէ ստացվում է, որ մենք աշխատում ենք, պարոն Յիրիկյանն էլ մեր հաշվին սոցիալապես անապահով, անտուն համաքաղաքացիներին օգնություննե՞ր է տրամադրում:
ԱՐՄԵՆՈՒՀԻ ՀԱԿՈԲՅԱՆ
Հավանեցի՞ր հոդվածը, կիսվիր ընկերներիդ հետ