ՈՒՄ ՀԱՇՎԻՆ ԵՆ Վ. ԲՐՅՈՒՍՈՎԻ ՀԱՄԱԼՍԱՐԱՆԻ ԱՇԽԱՏԱԿԻՑՆԵՐԸ ՆՇԵԼ ԱՄԱՆՈՐԸ
Արխիվ 12-16
ՈՒՄ ՀԱՇՎԻՆ ԵՆ Վ. ԲՐՅՈՒՍՈՎԻ ՀԱՄԱԼՍԱՐԱՆԻ
ԱՇԽԱՏԱԿԻՑՆԵՐԸ ՆՇԵԼ ԱՄԱՆՈՐԸ
Չնայած նրան, որ ամանորից անցել է մեկ ամիս, սակայն,, օրեր առաջ «Ժողովուրդ» օրաթերթը գրել էր, որ Վալերի Բրյուսովի անվան համալսարանում չորս մլն. դրամ է ծախվսել շքեղ Ամանոր տոնելու համար: Ընդ որում` ըստ լրատվամիջոցի, պետբյուջեի հաշվին է Ամանորի ճոխ խնջույք կազմակերպվել։
«Իրավունք»-ը փորձեց Բրյուսովի ռեկտոր Գայանե Գասպարյանից պարզել` ինչու է այդքան հատկացվել շքեղ Ամանոր տոնելու համար, սակայն պարզեցինք, որ տիկին Գասպարյանն առողջական խնդիրներ ունի, եւ մոտ տասը օր չենք կարող կապ հաստատել նրա հետ:
«Իրավունք»-ը Վ. Բրյուսովի համալսարանի նախկին ռեկտոր Սուրեն Զոլյանից պարզեց` ԲՈՒՀ-ում Նոր տարի նշելը հին ու բարի ավանդո՞ւյթ է: «Դա, իհարկե, ավանդույթ է: Բայց նախկինում գումարների մի մասը հավաքում էր կոլեկտիվը, մյուս մասը` արհմիությունը: Մոտավորապես 150.000 դրամի մասին է խոսքը: Յուրաքանչյուր անձի համար հինգ հազար դրամ արհմիությունն էր տալիս, հինգ հազար էլ` Նոր տարվա միջոցառման մասնակիցը: Բացի այդ` «13-րդ» աշխատավարձ էր տրվում (ընդհանուր գումարը 70 մլն դրամ էր, )սակայն 2013-ից հետո դա վերացվեց: Ինչ վերաբերում է չորս միլիոն դրամին, դա աստղաբաշխական թիվ է»,- պատասխանեց Զոլյանը:
Քանի որ չհաջողվեց կապ հաստատել նաեւ ֆինանսատնտեսական հարցերով պրոռեկտոր Արթուր Ավագյանի հետ, զանգահարեցինք ուսումնական աշխատանքների գծով պրոռեկտոր Բելա Մարգարյանին: Վերջինս սկզբում հերքեց այդ տեղեկությունը, սակայն, երբ հիշեցրինք, որ Բրյուսովում հին ու բարի ավանդույթ է Նոր տարի նշելը, նա ասաց. «Մենք Նոր տարին նշել ենք կոլեկտիվով: Կոլեկտիվն է գումար հավաքել եւ նշել Նոր տարին: Իսկ թե ինչ փաստաթղթերի մասին է խոսքը (լրատվամիջոցը լուրը հրապարակելիս հղում էր տվել պաշտոնական փաստաթղթերին-խմբ.), անհասկանալի է: Մենք երբեւէ համալսարանի բյուջեի հաշվին Ամանոր չենք նշել»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
9953 դիտում
2
6323 դիտում
3
2258 դիտում
4
2225 դիտում
5
2109 դիտում
1
17623 դիտում
3
8003 դիտում
5
4030 դիտում
3
8257 դիտում
5
6976 դիտում
