Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները

ԵՄ ՊԱՏՎԻՐԱԿՈՒԹՅԱՆ ՂԵԿԱՎԱՐ. «Այդ հարցի պատասխանը գիտի Հայաստանի ղեկավարությունը»

Արխիվ 12-16

ԵՄ ՊԱՏՎԻՐԱԿՈՒԹՅԱՆ ՂԵԿԱՎԱՐ. «Այդ հարցի

պատասխանը գիտի Հայաստանի ղեկավարությունը»

 

ԵՄ պատվիրակության ղեկավար, դեսպան Պյոտր Սվիտալսկին, այսօր լրագրողների հետ զրույցում  խոսելով Հայաստան-ԵՄ  բանակցությունների մասին, օգտագործեց «Հայաստանը 2013 թ-ին չցանկացավ ստորագրել ԵՄ ասոցացման համաձայնագիրը» արտահայտությունը: Ասուլիսի ավարտից հետո «Իրավունք»-ը պրն դեսպանին հիշեցրեց ԵՄ պատվիրակության նախկին ղեկավար Տրայան Հրիսթեայի 2013 թ-ի հայտարարությունը, որ Հայաստանը չի կարող միաժամանակ լինել ե՛ւ Մաքսային միության, ե՛ւ ԵՄ-ի  անդամ: Արդյոք այս հայտարարությունը  չստիպեց Հայաստանի իշխանությանը` ընտրել Մաքսային միությունը եւ հրաժարվել ասոցացման համաձայնագրի ստորագրումից:

- Կարծում եմ` Հայաստանի ընտրության հիմքում այլ հանգամաքներ կան, ոչ թե Տրայան Հրիսթեան: Չեմ կարծում, որ նրա հայտարարությունը որոշիչ է եղել: Այդ ժամանակ  հնարավոր չէր այդ երկու ռեժիմները  համատեղել:

- Չե՞ք կարծում, որ Տրայան Հրիսթեայի այդ հայտարարությունը, եթե չլիներ,  այսօր Հայաստան-ԵՄ հարաբերություններն այլ փոլում կլինեին, այլ իրավիճակ կլիներ:

- Այդ հայտարարությունն անգամ չնչին ազդեցություն չունեցավ Հայաստանի կողմոնորոշման  հարցում:

- Բայց հայ հասարակական-քաղաքական որոշ շրջանակներում կա այդ մտայնությունը:

- Ես էլ ասում եմ`պետք է հասուն կերպով դատել:

- Կարծում եք`Հրիսթեայի հայտարարությունը ուղղակի հայտարարությո՞ւն էր:

- Դա փաստերի արձանագրում էր: Տրայան Հրիսթեան մեղավոր չէ, որ Հայաստանը ԵՄ անդամ չէ (ծիծաղում է-խմբ.)

- Եթե  Հրիսթեայի հայտարարությունը Հայաստանի կողմնորոշման  վրա ազդեցություն չի ունեցել, ապա ինչո՞ւ մեր երկիրը դարձավ Մաքսային միության անդամ:

- Այդ հարցի պատասխանը գիտի Հայաստանի ղեկավարությունը: Բացատրությունների շարք ենք լսել, օրինակ, տնտեսական ոլորտի հետ կապված: Հայաստանի  համար ԵՏՄ-ի շուկան կարեւոր է, չնայած Հայաստանի  առեւտրային գործընկերը ԵՄ-ն է: Մեզ, սակայն, ասացին, որ հեռանկարներն այնտեղ լավն են: ԵՏՄ-ի անդամ դառնալուց հետո մենք տեսնում ենք` հայկական ապրանքների արտահանումը ԵՏՄ նվազել է:

- Ձեր կարծիքով` Հայաստանի  վրա ճնշումներ եղե՞լ են Մաքսային միությանն անդամակցելու համար:

- Հարցրեք ձեր իշխանությանը: ԵՄ-ին անդամակցելու համար, համենայնդեպս, ոչ մի ճնշում չի եղել: Մեզ նաեւ անկեղծ ասում էին, որ դեպի ՌԴ-ը, ԵՏՄ երկրներ մեկնող հայերի ելումուտը կարեւոր է պահպանել: Մտավախություն կար, որ եթե Հայաստանը չլինի Մաքսային միության անդամ, ԵՏՄ-ի անդամ  երկրներում աշխատող հայերը խնդիրներ կունենան: ԵՄ-ը, սակայն, հարգում է Հայաստանի` որպես սուվերեն պետության  ընտրությունը: Իսկ թե կուլիսներում ինչ է եղել, դա այլ հարց է:

 


ՍՈՆԱ ԴԱՎԹՅԱՆ



 

Հավանեցի՞ր հոդվածը, կիսվիր ընկերներիդ հետ