ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

«ՀԱՄԱՐՁԱԿՈՒԹՅՈՒՆԸ ՄԵՐ ԱՄԵՆԱՄԵԾ ԶԵՆՔՆ Է, ՈՐ ՈՒՆԵՆՔ»

Արխիվ 12-16

«ՀԱՄԱՐՁԱԿՈՒԹՅՈՒՆԸ ՄԵՐ ԱՄԵՆԱՄԵԾ ԶԵՆՔՆ Է, ՈՐ ՈՒՆԵՆՔ»

 

Երգիչ Սարգիս Ավետիսյանն ու ասմունքող Թագուհի Ղազարյանը, որոնք Երեւանի թատրոնի եւ կինոյի պետական ինստիտուտի ուսանողներ են, փետրվարի 28-ին Առնո Բաբաջանյան համերգասրահում արվեստասեր հանրությանը կպարգեւեն գրական-երաժշտական երեկո, որի խորագիրն է «Հոգու հետքերով»: Այս մասին «Իրավունքը» զրուցեց ՍԱՐԳԻՍ ԱՎԵՏԻՍՅԱՆԻ հետ, ով նախեւառաջ անդրադառնալով սպասված երեկոյի խորագրին` նշեց.

- Մենք փորձում ենք գնալ մեր եւ մեր հանդիսատեսի հոգու հետքերով:

- Սարգիս, մի փոքր կբացե՞ք փակագծերը, թե ի՞նչ է սպասվում հանդիսատեսին այդ օրը:

- Ծրագրի ընթացքում հնչելու են սիրված երգեր, դասական ու ժամանակակից բանաստեղծների ստեղծագործություններ: Այնպես որ, ծրագիրը բազմաժանր է. յուրաքանչյուր ոք այնտեղ կգտնի իր հոգուց մի մասնիկ։ Կարծում ենք` հանդիսատեսը հոգեւոր բավարարվածությամբ կհեռանա համերգասրահից:

- Գրական-երաժշտական երեկոները վերջին շրջանում շատ քիչ են, ինչպե՞ս ստացվեց, որ որոշեցիք Ձեր երգերն այս անգամ համեմել Թագուհի Ղազարյանի ասմունքով:

- Այո՛, քիչ են եւ ես ու Թագուհին մեր համագործակցությամբ ուզում ենք մեկ հարկի տակ հավաքել երաժշտասեր ու պոեզիասեր հասարակությանը...

- Սա Ձեր առաջի՞ն համերգն է, թե՞ հերթականը:

- Սա իմ եւ Թագուհու առաջին համագործակցությունն է, ինչը մեր նպատակասլացության, ու մեր աշխատանքի հանդեպ ունեցած սիրո շնորհիվ կլինի շարունակական:

- Այնուամենայնիվ, համաձայնեք, որ այսօր շատ քիչ ուսանողներ կգնան այդպիսի համարձակության եւ մեծ համերգասրահում այսպիսի մասշտաբային համերգ կտան: Որտեղի՞ց այդ վստահությունը Ձեր մեջ:

- Համարձակությունը մեր ամենամեծ զենքն է, որ ունենք։ Մենք գնահատելով մեր ժամանակի կարեւորությունը` ուզում ենք ուսանողական տարիներն ավելի արդյունավետ օգտագործել` դրանով իսկ ճանապարհ հարթելով դեպի ավելի մեծ բեմեր:

- Հենց նույն Առնո Բաբաջանյան համերգասրահում հաճախ նույն դեմքերն են համերգներով հանդես գալիս, կարելի՞ է ասել, որ այս համերգը նոր շունչ կտա համերգասրահին:

- Համերգն արդեն իսկ համեմված է նոր շնչով ու երանգով, եւ կարծում եմ` հենց դրա համար էլ մեր համերգային ծրագրերն ավելի հաճախակի ու սպասված կլինեն:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ