ՈՐՈՇ ՊԱՏԳԱՄԱՎՈՐՆԵՐ Ի ՄԻ ԵՆ ԲԵՐՈՒՄ ԻՐԵՆՑ ՈՒՆԵՑԱԾ-ՉՈՒՆԵՑԱԾԸ

ՈՐՈՇ ՊԱՏԳԱՄԱՎՈՐՆԵՐ Ի ՄԻ ԵՆ

ԲԵՐՈՒՄ ԻՐԵՆՑ ՈՒՆԵՑԱԾ-ՉՈՒՆԵՑԱԾԸ

Ինչպես հայտնի է, «Հանրային ծառայության մասին» ՀՀ օրենքի 32 և 33-րդ հոդվածների համապատասխան` բարձրաստիճան պաշտոնատար անձինք և նրանց հետ փոխկապակցված անձինք պարտավոր են ոչ ուշ, քան մինչև փետրվարի15-ը ներկայացնել իրենց հայտարարագրերըբարձրաստիճան պաշտոնատար անձանց էթիկայի հանձնաժողով:   Թեեւ մինչ փետրվարի 15-ը մեկ շաբաթ ժամանակ կա,  այսօր նկատելի դարձավ, որ օրենսդիր մարմնի որոշ անդամներ  ի մի են բերում ունեցած-չունեցածը, «զտում»,ապա փաստաթղթավորում ու ներկայացնում հանձնաժողով:

Ի դեպ, արդարադատության նախարար Արփինե Հովհաննիսյանը երեկ  խորհրդարանում հարց ու պատասխանի ժամանակ ասաց, որ րագրողների կողմից շատ է բարձրացվել այն հարցը, թե որոշ պաշտոնյաներ իրենց պաշտոնական հայտարարագրերում հրապարակում են կեղծ տվյալներ, թաքցնում են որոշ բաներ: «Մենք այս հարցը լուծելու համար մշակել և կառավարությանն ենք ներկայացրել օրենսդրական նախաձեռնություն, որով նման դեպքերի համար սահմանել ենք վարչական պատասխանատվություն»,- հայտարարել է նախարարը:

Հ.Գ. Հայտարարագրերի հրապարակումից պարզ կդառնա, թե որքանով  սայլը տեղից շարժվեց:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝