ԲՈՒՆ ԲԱՐԵԿԵՆԴԱՆԻ ՏՈՆԻՆ ԿԱՆՑԿԱՑՎԵՆ ՄԱՐԶԱԿԱՆ ՄՐՑՈՒՄՆԵՐ

ԲՈՒՆ ԲԱՐԵԿԵՆԴԱՆԻ  ՏՈՆԻՆ ԿԱՆՑԿԱՑՎԵՆ ՄԱՐԶԱԿԱՆ ՄՐՑՈՒՄՆԵՐ

Այս տարի Հայ Եկեղեցին Բուն Բարեկենդանը տոնելու է փետրվարի 7-ին: Հնում տոնը մեծ ժողովրդականություն է վայելել: Դրան պատրաստվել են երկար ժամանակ: Տոնին նախորդող 1-2 շաբաթների ընթքացքում կազմակերպվել են տոնախմբություններ, մրցումներ, պատրաստվել են առատ սեղաններ ու հյուրասիրություններ: Խորհրդային շրջանում տոնը հիմնականում նշվել է եկեղեցու համայնքներում:

Արարատյան Հայրապետական թեմի երիտասարդները` առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի աջակցությամբ ու օրհնությամբ արդեն երրորդ տարին մեծ տոնախմբությամբ նշում են Բուն Բարեկենդանը` փորձելով վերականգնել տոնի երբեմնի ժողովրդականությունը:

Փետրվարի 7-ին` ժամը 13.30-ին, կմեկնարկի դիմակներով շքերթ առաջնորդանիստ Ս. Սարգիս եկեղեցուց Մաշտոց պողոտայով դեպի Ազատության հրապարակ: Շքերթին կմասնակցեն թեմի երիտասարդները, պարի եւ  դհոլահարների խմբեր, ազգագրական երգուպարի խմբեր, հեքիաթների հերոսներ, բուհերի ուսանողներ եւ այլք: Կազմակերպվելու է Ս. Սարգսի տոնին նվիրված նկարների ցուցահանդես, թատերական ներկայացումներ, ազգային խաղեր, մրցույթներ ու մրցանակներ:

Արարատյան Հայրապետական թեմը Բուն Բարեկենդանի տոնը  կազմակերպելիս ակտիվ համագործակցում է Երևանի քաղաքապետարանի, ՀՀ մշակույթի, ՀՀ սպորտի եւ  երիտասարդության հարցերի նախարարությունների հետ:

Այս տարի առաջին անգամ կազմակերպվում են մի քանի մարզաձևերի մրցումներ: Փետրվարի 2-ին տեղի ունեցավ սուսերամարտի մրցաշարը, փետրվարի 3-ին`  հայկական կոխի` ըմբշամարտի մրցումները: Փետրվարի 4-ին՝ Ատլետիկայի փակ մարզահամալիրում կանցկացվեն թեթև ատլետիկայի մրցումները : Իսկ հաջորդ օրը

տեղի կունենան հունա-հռոմեական ըմբշամարտի մրցումները:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝