ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ԹԻԿՈՒՆՔԻՑ ՀԱՐՎԱ՞Ծ, ԹԵ՞ ԽՈՍՔԻ ԱԶԱՏՈՒԹՅՈՒՆ

Արխիվ 12-16

ԹԻԿՈՒՆՔԻՑ ՀԱՐՎԱ՞Ծ, ԹԵ՞ ԽՈՍՔԻ ԱԶԱՏՈՒԹՅՈՒՆ

 

Այն օրերին, երբ Ստրասբուրգում հայաստանյան պատվիրակության անդամ, ԱԺ ՀՀԿ խմբակցության պատգամավոր ՆԱԻՐԱ ԿԱՐԱՊԵՏՅԱՆԸ ԵԽԽՎ ամբիոնն օգտագործելով` կոշտ քննադատության էր ենթարկում Ադրբեջանին` նշելով այնտեղ մարդու իրավունքների ոտնահարման եւ մեծ թվով քաղբանտարկյալների առկայության մասին, հենց այդ հարթակում ԱԺ ՀԱԿ խմբակցության ղեկավար Լեւոն Զուրաբյանը նույնն ասում էր Հայաստանի մասին: Ավելին` ԵԺԿ-ում իր ելույթի ժամանակ «Ժառանգություն» կուսակցության նախագահ Րաֆֆի Հովհաննիսյանը նույնպես մեծ ոգեւորությամբ ու նմանատիպ բովանդակությամբ բողոքում էր Հայաստանից: Թե արդյոք սա հարված չէր թիկունքից` ի տես եվրոպացիների, «Իրավունքը» հետաքրքրվեց ԱԺ ՀՀԿ խմբակցության պատգամավոր ՆԱԻՐԱ ԿԱՐԱՊԵՏՅԱՆԻՑ.

– Սա նշանակում է, որ Հայաստանում մարդու իրավունքների պաշտպանությունը կայացած փաստ է, եւ այն հարթակներում, որոնք դուք նշեցիք, կարելի է կանգնել եւ առանց խոչընդոտի խոսել մարդու իրավունքների մասին: Իհարկե, մի քիչ չափազանցումներով եւ մի քիչ ավելի սեփական եզրակացություններով, բայց, այնուամենայնիվ, որեւէ մեկը որեւէ հետապնդում չի սկսի ելույթ ունեցողի նկատմամբ` ի տարբերություն Ադրբեջանի, ինչին ուղղված էր իմ ելույթը: Ի դեպ, թեպետ մենք շատ ֆիքսվեցինք ԵԽԽՎ լիագումար նիստում ընդգրկված հակահայկական բանաձեւերի վրա, ինչը բնական էր, բայց ԵԽԽՎ-ն այս նստաշրջանում խիստ դատապարտեց եւ ընդունեց փաստաթուղթ, որտեղ Ադրբեջանը ներկայացված էր իր բացասական կեցվածքով: Այդ փաստաթղթում ներկայացված է այն իրականությունը, ինչն այսօր գոյություն ունի: Արդյունքում նույն այդ եվրոպացի պատվիրակները տեսան, թե ինչպես են ոտնահարվում մարդու իրավունքները Ադրբեջանում` թե՛ հասարակական կազմակերպությունների, եւ թե՛ մարդու իրավունքների պաշտպանությանը վերաբերող դաշտում:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ