ԲՈՒՆ ԲԱՐԵԿԵՆԴԱՆԻ ՏՈՆԸ ԿԱՆՑԿԱՑՎԻ ԹԱՏԵՐԱԿԱՆ ՆԵՐԿԱՅԱՑՈՒՄՆԵՐՈՎ, ԱԶԳԱՅԻՆ ԽԱՂԵՐՈՎ ԵՎ ՄԱՐԶԱԿԱՆ ՄՐՑՈՒՄՆԵՐՈ

ԲՈՒՆ ԲԱՐԵԿԵՆԴԱՆԻ ՏՈՆԸ ԿԱՆՑԿԱՑՎԻ ԹԱՏԵՐԱԿԱՆ ՆԵՐԿԱՅԱՑՈՒՄՆԵՐՈՎ, ԱԶԳԱՅԻՆ ԽԱՂԵՐՈՎ  ԵՎ ՄԱՐԶԱԿԱՆ ՄՐՑՈՒՄՆԵՐՈՎ

Արարատյան Հայրապետական թեմը եւ ՀՀ սպորտի եւ երիտասարդության նախարարությունը Բուն Բարեկենդանի տոնի առթիվ առաջին անգամ կազմակերպում են հայկական կոխի` ըմբշամարտի մրցումներ: Մրցումներն անցկացվելու են փետրվարի 3-ին՝  Սամբո- ձյուդոյի մանկապատանեկան մարզադպրոցում :

Այս տարի Հայ Եկեղեցին Բուն Բարեկենդանը տոնելու է փետրվարի 7-ին: Ավանդույթի համաձայն տոնին նախորդող 1-2 շաբաթների ընթքացքում կազմակերպվել են տոնախմբություններ, մրցումներ: Արարատյան Հայրապետական թեմի երիտասարդները` առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի աջակցությամբ ու օրհնությամբ արդեն երրորդ տարին մեծ տոնախմբությամբ նշում են Բուն Բարեկենդանը` փորձելով վերականգնել տոնի երբեմնի ժողովրդականությունը:

Փետրվարի 7-ին` ժամը 13.30-ին, կմեկնարկի դիմակներով շքերթ առաջնորդանիստ Ս. Սարգիս եկեղեցուց Մաշտոց պողոտայով դեպի Ազատության հրապարակ: Շքերթին կմասնակցեն թեմի երիտասարդները, պարի եւ դհոլահարների խմբեր, ազգագրական երգուպարի խմբեր, հեքիաթների հերոսներ, բուհերի ուսանողներ եւ այլք: Կազմակերպվելու է Ս. Սարգսի տոնին նվիրված նկարների ցուցահանդես, թատերական ներկայացումներ, ազգային խաղեր, մրցույթներ:

Արարատյան Հայրապետական թեմը Բուն Բարեկենդանի տոնը  կազմակերպելիս ակտիվ համագործակցում է Երեւանի քաղաքապետարանի, ՀՀ մշակույթի, ՀՀ սպորտի եւ երիտասարդության հարցերի նախարարությունների հետ:

Այս տարի առաջին անգամ կազմակերպվում են մի քանի մարզաձևերի մրցումներ: Փետրվարի 2-ին տեղի ունեցավ սուսերամարտի մրցաշարը, իսկ ամսի 4-ին եւ 5-ին տեղի կունենա  թեթեւ ատլետիկայի եւ հունա-հռոմեական ըմբշամարտի մրցումները:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝