ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ԿԱՐԵՆ ԱՆԴՐԵԱՍՅԱՆ. «ԵՍ ԱՆԱՐԴԱՐ ՔՆՆԱԴԱՏՈՒԹՅՈՒՆՆԵՐԻՑ ՎԱՏ ՉԵՄ ԶԳՈՒՄ»

Արխիվ 12-16

ԿԱՐԵՆ ԱՆԴՐԵԱՍՅԱՆ. «ԵՍ ԱՆԱՐԴԱՐ

ՔՆՆԱԴԱՏՈՒԹՅՈՒՆՆԵՐԻՑ ՎԱՏ ՉԵՄ ԶԳՈՒՄ»


 

ԱԺ-ում  այսօր  քննարկվում  է մարդու իրավունքների պաշտպան Կարեն Անդրեասյանի հրաժարականը: Ընդդիմության հիմնական քննադատությունը Անդրեասյանի չհիմնավորված եւ նոր հարցեր առաջացնող  հրաժարականն է:  Բավական կոշտ հանդես եկավ ՀԱԿ պատգամավոր Նիկոլ Փաշինյանը: Նրա խոսքով` Անդրեասյանը շարունակեց ՀՀ-ում ձեւավորված խայտառակ երեւույթը` չհիմնավորված հրաժարականների ավանդույթը: «Լավ, էս ժողովուրդը էդքան հարգանքի արժանի չէ՞, որ ասեք` պախանն ասել է`ռադդ քաշի: Ես պախանին եմ ծառայում, ոչ թե ժողովրդին»,- հայտարարեց Փաշինյանը: Իսկ  ժառանգության նախկին ղեկավար Ռուբիկ Հակոբյանն էլ հորդորեց այնպիսին մարդու նշանաել, ով քննադատություններից չի վախենա ու փախչի եւ կշարունակի պայքարել:

«Իրավունք»-ը  «Ֆեյսբուք» սոցիալական ցանցի միջոցոով կապ հաստատեց  Կարեն Անդրեասյանի հետ: Փորձեցինք մի քանի հարց ուղղել Անդրեասյանին, սակայն վերջինս դարձյալ հրաժարվեց որեւէ մեկնաբանություն տալ: «Իմ հրաժարականի մասին ինչ նպատակահարմար եմ գտել, ասել եմ: Ու դա արդեն հիմնավորում է: Այլ բան է, թե ով ինչպիսի եւ ինչ մանրամասնության հիմնավորումներ  է սպասում»,- ասաց պաշտպանը:

Կարեն Անդրեասյանից պարզեցինք` ընդդիմության  քննադատություններին ինչպես  է արձագանքում: «Ես անարդար քննադատություններից երբեք վատ չեմ զգում: Իսկ արդարներից էլ ուրախանում եմ ու մի նոր բան սովորում»,- ասաց նախկին պաշտոնյան:

Ի դեպ, նախկին պաշտպանի խոսքով հրաժարականից հետո դեռ ոչ մի տեղ չի աշխատում, ծրագրեր էլ առայժմ չունի:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ