ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից

ՀՀԿ-ԱԿԱՆԸ ԱՐՄԵՆ ՌՈՒՍՏԱՄՅԱՆԻ ՀԱՅՏԱՐԱՐՈՒԹՅՈՒՆԸ ՉՍՏԱՑՎԱԾ ԿԱՏԱԿ Է ՀԱՄԱՐՈՒՄ

Արխիվ 12-16

ՀՀԿ-ԱԿԱՆԸ ԱՐՄԵՆ ՌՈՒՍՏԱՄՅԱՆԻ

ՀԱՅՏԱՐԱՐՈՒԹՅՈՒՆԸ ՉՍՏԱՑՎԱԾ ԿԱՏԱԿ Է ՀԱՄԱՐՈՒՄ


 

ՀՅԴ խմբակցության ղեկավար Արմեն Ռուստամյանը, այսօր լրագրողների հետ զրույցում խոսելով ՀՀԿ-ՀՅԴ կոալիցիոն համագործակցության մասին, ասել է, որ իշխանությունը վարկաբեկված է, հեղինակազրկված: Ավելին, ՀՅԴ խմբակցության ղեկավար Արմեն Ռուստամյանը հայտարարել է` ՀՀԿ-ն ունի ՀՅԴ-ի կարիքը:


«Իրավունք»-ը ՀՀԿ-ական հնաբնակ Վազգեն Կարախանյանից պարզեց` համաձայն է Ռուստամյանի գնահատականներին: «Ոչ»,- ասաց պատգամավորը, ապա ասաց. «Կարծում եմ` կատակ է արել Ռուստամյանը, այն էլ` չստացված»:

Մեր մյուս հարցին`միգուցե ՀՅԴ-ի վարկանիշն է ցածր, որ ցանկանում է իշխանության հետ կոալիցիա կազմել`հաջորդ խորհրդարանում հայտնվելու համար, ՀՀԿ-ականը հույս ունի` ՀՅԴ-ն քաղաքական առեւտրի սկզբունքներով չի առաջնորդվի:

Նախկին պատգամավոր Վարդան Բոստանջյանը ՀՀԿ-ՀՅԴ հավանական կոալիցիայի մասին ասել էր. «Իշխանությունները ոնց որ ուզենան մի բան շպրտեն, հետո ասեն` չենք շպրտում: Նման ձեւով երկիր չի կառուցվում»: Վազգեն Կարախանյանն ասաց, որ  երբ մի  արտահայտություն են անում մարդիկ, թող մտածեն հետեւանքների մասին: «Չեմ կարծում, թե կարելի է հանրության աչքի առջեւ մի ամբողջ կուսակցության կոպիտ ժեստով ներկայացնել»:

Իշխող կուսակցությն պատգամավորից նաեւ պարզեցինք`ՀՀԿ-ը խորհրդարանում մեծամասնություն է, նրա ինչի՞ն է պետք  կոալիցիան: «Ժողովրդական մի խոսք կա` մի ձեռքը ծափ չի տա, երկու ձեռքը ծափ կտա: Կառավարությունում եթե բազմակարծությունը է լինում, շահում է մեր պետությունը»,- եզրափակեց  պատգամավորը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ