Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ՊԱՀՊԱՆԵՔ ՄԱՇԿԸ ՁՄՌԱՆ ՑՐՏԻՑ

Արխիվ 12-16

ՊԱՀՊԱՆԵՔ ՄԱՇԿԸ ՁՄՌԱՆ ՑՐՏԻՑ


- Հարգելի բժիշկ, ինչպե՞ս պահպանել մաշկը ձմռան ցրտից: Ինչպե՞ս խնամել շրթունքները. կա չորություն: Ի՞նչ տեսակի քսուքներ խորհուրդ կտաք կիրառել:

 

Հարցին պատասխանել է մաշկավեներաբան ԿԱՐԵՆ ՎԱՐԴԱՆՅԱՆԸ.


- Ձմռանը մաշկը առանձնահատուկ խնամքի կարիք ունի: Այն ենթարկվում է մի շարք կլիմայական բացասական ազդակների` առաջին հերթին ցածր ջերմաստիճանի, խոնավության եւ մթնոլորտային ճնշման փոփոխությունների:

Մասնավորապես ցածր ջերմաստիճանի պատճառով օրգանիզմում` արյունատար անոթների սպազմի ազդեցության տակ, վատանում է սնուցումը: Առավելապես դա վերաբերում է մաշկի բաց տեղամասերին (գլխի մազածածկ հատված, դեմք, ձեռքեր): Սնուցման խանգարման արդյունքում առաջանում է մաշկի չորություն, երբեմն, բարձիթողի դեպքերում` նաեւ թեփոտում, մինչեւ անգամ ճաքերի առկայություն:

Այս ամենից դատելով` մաշկը մշտապես ունի խնամքի կարիք, եւ դրա նշանակությունն առավել կարեւորվում է տարվա եղանակների փոփոխության ընթացքում: Եթե, մասնավորապես տաք եղանակին, մենք խոսում ենք արեւից պաշտպանվելու մասին, ապա չմոռանանք նաեւ, որ ձմռանը եւս մաշկն ունի ուլտրամանուշակագույն ճառագայթներից պաշտպանելու կարիք: Առավելապես դա վերաբերում է բարձրադիր գոտի հանգստի մեկնողներին: Հաշվի առեք եւս մեկ հանգամանք, որ ձյան ծածկույթը հանդիսանում է ուլտրամանուշակագույն ճառագայթների անմիջական անդրադարձնող մակերես:

Մաշկի բաց տեղամասերը, որոնք ենթարկվում են կլիմայական բացասական ազդեցություններին, պահանջում են առանձնահատուկ խնամք` խոնավացնող-սնուցող քսուքների կիրառմամբ:
Չմոռանանք նաեւ շուրթերի մասին, որոնք հանդիսանալով ավելի նուրբ հյուսվածք, եւս յուրահատուկ խնամքի կարիք ունեն: Խորհուրդ է տրվում շրթունքները խնամել հատուկ բժշկական շրթներկով, ինչն ունի վերոնշյալ հատկությունները:

 

ՎԼԱԴ ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ