Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ԲԱՆԱԿՈՒՄ ՉԾԱՌԱՅԱԾ ՓՈԽՆԱԽԱՐԱՐԸ ԿՄՏԱԾԻ ԻՍՐԱՅԵԼԻ ՕՐԵՆՍԴՐՈՒԹՅԱՆ ՄԱՍԻՆ

Արխիվ 12-16

ԲԱՆԱԿՈՒՄ ՉԾԱՌԱՅԱԾ ՓՈԽՆԱԽԱՐԱՐԸ

ԿՄՏԱԾԻ ԻՍՐԱՅԵԼԻ ՕՐԵՆՍԴՐՈՒԹՅԱՆ ՄԱՍԻՆ

 

Մամուլը բազմիցս գրել է բանակում չծառայած  պաշտոնյաների մասին, որոնցից մեկն էլ, ինչպես պարզվում է,  տրանսպորտի եւ կապի փոխնախարար Արթուր Առաքելյանն է: «Իրավունք»-ն այդ առնչությամբ մի քանի հարց ուղղեց   փոխնախարարին:

- Պարոն Առաքելյան, ինչո՞ւ չեք ծառայել զինված ուժերում:

-1992 թ-ին մեկնել եմ ՌԴ-ը: Մինչեւ 2001 թ-ը եղել եմ այնտեղ, սովորել եմ պետական բուհում, որտեղ համապատասխան  ենթակառուցվածք  կար: Կաֆեդրա էին ասում: Այդ հիմքով էլ չեմ ծառայել:

- Հանրային ընկալման մեջ զինված ուժերում ծառայելու փոխարեն ուսում ստանալը համարվում է բանակից խուսափել…

-Խուսափելու խնդիր չեմ ունեցել…

- ՀՀ-ի համար դժվար ժամանակաշրջանում`1990-ականներին, արցախյան ազատամարտի տարիներին,  մեկնել եք Հայաստանից…

- Զինակոչի տարիքս չէր լրացել, երբ մեկնել եմ  Մոսկվա` ուսումս ստանալու գործող օրենսդրության համապատասխան իրավիճակ է եղել:

- Ինչպե՞ս եք արձագանքում այն քննադատություններին, որ բանակում չծառայածները, առաջին գծում չկանգնածները հայրենիքի «ղադրը» չգիտեն,  հայրենասիրությունից էլ իրավունք չունեն խոսել:

-Կարծում եմ` պետք է առաջնորդվել ՀՀ գործող օրենսդրությամբ: Դա զգացմունքային պահ է (նկատի ունի քննադատությունները-խմբ.): Որոշ մարդիկ իրավունք ունեն իրենց կարծինքը հայտնելու: Մենք աշխատանքի բերումով գտնվում ենք վտանգավոր տարածքներում, մեր մասով ծառայում ենք մեր երկրին:

- Իսրայելում բանակում չծառայած քաղաքացիներն իրավունք չունե՞ն որեւէ պաշտոն զբաղեցնել: Կցանկանայիք, որ ՀՀ-ում  եւս  գործեր այդ օրենքը:

- Երբ  հանկարծ այդպես լինի, մենք կկատարենք մեր օրենսդրության պահանջը:

- Բայց կցանկանա՞ք, որ մեր երկրում եւս գործի այդ պահանջը:

- Պետք է մտածել:

Հ.Գ. 1992 թ-ին Արթուր Առաքելյանը 16 տարեկան էր, երբ մեկնեց Մոսկվա: Բայց հետաքրքրիրն ու զարմանալին այն է, որ ուսումնառության տարիներին` 1993-1996 թթ-ին,  ապագա փոխնախարարը նաեւ «Օլիմպիկ Քար» ՍՊԸ՝ վաճառքի գծով տնօրենն է եղել:


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ