Ո՞Վ Է ԻՐԱԿԱՆՈՒՄ ԼԵՎՈՆ ՏԵՐ-ՊԵՏՐՈՍՅԱՆԻՆ ՎԻՐԱՀԱՏԱԾ ԲԺԻՇԿԸ
Արխիվ 12-16
Ո՞Վ Է ԻՐԱԿԱՆՈՒՄ ԼԵՎՈՆ ՏԵՐ-ՊԵՏՐՈՍՅԱՆԻՆ ՎԻՐԱՀԱՏԱԾ ԲԺԻՇԿԸ
ՀՀ առաջին նախագահ Լեւոն Տեր-Պետրոսյանի գրասենյակը աչքալուսանք է տվել ու նշել. «Ս.թ. հունվարի 26-ին Լեւոն Տեր-Պետրոսյանը Գլենդեյլի Մեմորիալ հիվանդանոցում հետվիրահատական ստուգման է ենթարկվել բուժող բժիշկներ Պետար Վուկասինի եւ Գալուստ Յուքարի կողմից: Վերջիններս գոհունակություն են հայտնել Տեր-Պետրոսյանի ապաքինման ընթացքի վերաբերյալ»:Ավելին` վերջիններս հավաստիացրել են, որ առաջիկա 20 տարիների ընթացքում 71-ամյա Տեր-Պետրոսյանի կյանքին եւ աշխատունակությանը որեւէ վտանգ չի սպառնում:
«Իրավունքին» հաջողվել է որոշ հետաքրքիր մանրամասներ պարզել Լ. Տեր-Պետրոսյանին աղիքային քաղցկեղի վիրահատության ենթարկած բժիշկներից մեկի մասին` ազգությամբ հայ Գալուստ Յուքարի: Նախ նշենք, որ նա ծնվել է այժմյան
Թուրքիայի Սիվաս (Արեւմտյան Հայաստան, Սեբաստիա) քաղաքում, որտեղ մինչեւ 1915 թվականն ապրում էին հայեր: Եվ բժշկական կրթությունը նույնպես ստացել է Թուրքիայում: Ապրելով ԱՄՆ-ում եւ անգլերենից բացի տիրապետելով ե՛ւ թուրքերենին, ե՛ւ հայերենին, ասում են, որ նա իր հայ հիվանդների հետ շփվում է մայրենի լեզվով: Բայց, հավանաբար, միայն սա չէ պատճառը, որ Լ. Տեր-Պետրոսյանը հենց Գ. Յուքարին է ընտրել իրեն բժիշկ: Եվս մի հետաքրքիր փաստ է մեզ հայտնի դարձել. նախորդ տարի լույս տեսած ամերիկյան ամսագրերից մեկում, որի հենց առաջին էջում իր ողջույնի խոսքն է ասել ՀՀ երկրորդ նախագահի կինը` Բելա Քոչարյանը, անդրադարձ կա նաեւ Գ. Յուքարին: Ուստի` չի բացառվում, որ առաջին նախագահի գրասենյակին բժշկի ընտրության հարցում օգտակար են եղել ՀՀ երկրորդ նախագահի գրասենյակի խորհուրդները:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
10074 դիտում
2
7749 դիտում
3
2235 դիտում
4
2109 դիտում
5
1960 դիտում
1
17623 դիտում
3
8012 դիտում
5
4030 դիտում
3
8257 դիտում
