ՋՀԱՆԳԻՐՅԱՆԸ` ՓՈՍՏԱՆՋՅԱՆԻՆ. «ԴՈՒՔ ԳԻՏԵՔ` ՁԵԶ ԻՆՉՔԱՆ ԵՄ ՍԻՐՈՒՄ, ԲԱՅՑ...». ՏԵՍԱՆՅՈՒԹ

ՋՀԱՆԳԻՐՅԱՆԸ` ՓՈՍՏԱՆՋՅԱՆԻՆ. «ԴՈՒՔ ԳԻՏԵՔ` ՁԵԶ

ԻՆՉՔԱՆ ԵՄ ՍԻՐՈՒՄ, ԲԱՅՑ...». ՏԵՍԱՆՅՈՒԹ

Պետա-իրավական հարցերի մշտական հանձնաժողովի նիստի այսօրվա օրակարգում բազմաթիվ հարցեր էին ընդգրկված, որոնցից մեկը «Ժառանգություն» խմբակցության պատգամավոր Զարուհի Փոստանջյանի` մահացած զինծառայողների օրինագիծն է: Օրինագծով առաջարկվում է  խաղաղ պայմաններում սպանված զինածառայողների գործերի քննության համար հանձնաժողով  ստեղծել:

Տեղեկացնենք, որ Զարուհի Փոստանջյանը  նույն բովանդակությամբ նախագիծ էր առաջ քաշել  ամիսներ առաջ, սակայն օրինագծում առկա անճշտությունների պատճառով այն հետաձգվել էր մեկ տարի: «Քանի որ այդպես էլ առաջարկություն չստացա, պրն Ջհանգիրյանն էլ առաջարկներ  չներկայացրեց,այդ պատճառով նորից նույն բովանդակությամբ նախագիծ եմ ներկայացրել»,- ասաց պատգամավորը:

ՀԱԿ պատգամավոր Գագիկ Ջհանգիրյանն էլ  հակադարձեց. «Տիկին Փոստանջյան, Դուք գիտեք` ես ինչքան եմ Ձեզ սիրում, բայց մեր պայմանավորվածությունը հակառակն էր. դուք պետք է ինձ զանգարահեիք, պայմանավորվեինք, որ սկսեինք աշխատել»:

Հանձնաժողովի նախագահ Հովհաննես Սահակյանն էլ  հորդորեց Զարուհի Փոստանջյանին հետաձգել նախագիծը, ապա ծանոթանալ  նախագծի վերաբերյալ  կազմված տեղեկանքին: Պատգամավորը համաձայնեց, ու հետագիծը հետաձգվեց:

Մանրամասները` տեսանյութում:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝