Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

Հովհաննես Մանուկյանը գյումրեցուն հատուկ հումորով է շնորհավորել Հայոց բանակի տոնի առթիվ (անեկդոտ)

Արխիվ 12-16

ՀՈՎՀԱՆՆԵՍ ՄԱՆՈՒԿՅԱՆԸ ԳՅՈՒՄՐԵՑՈՒՆ ՀԱՏՈՒԿ ՀՈՒՄՈՐՈՎ Է ՇՆՈՐՀԱՎՈՐԵԼ ՀԱՅՈՑ ԲԱՆԱԿԻ ՏՈՆԻ ԱՌԹԻՎ

 

ՀՀ արդարադատության նախկին նախարար, ծնունդով գյումրեցի ՀՈՎՀԱՆՆԵՍ ՄԱՆՈՒԿՅԱՆԸ որդու հետ Հայոց բանակի տոնի առթիվ եղել է ՀՀ զորամասերից մեկում, ինչի մասին մասնավորապես նշել է. «Հաղթանակած բանակի տոնին ընդառաջ թիվ N զորամասի զինվորների լիաթոք ուրախությունն իսկապես ոգեշնչող էր: Միակ բանը, որ այդպես էլ չհաջողվեց` ապագա զինվորիս` Ալեքսանդր Մանուկյանի, զինվորների համար կազմակերպված տոնական համերգին նախապատրաստած ելույթն էր: Նախապես նա որոշել էր զինվորների տոնը շնորհավորել իր այս անեկդոտով. «Հրամանատարն այցելում է սահմանային հենակետ եւ տեսնում քնած զինվորի: Նա զայրացած արթնացնում է զինվորին ու հանդիմանում: Զինվորն իրեն չի կորցնում. «Պարոն հրամանատա՛ր, Ձեր հրամանն էի կատարում։ Մեզ ասում էիք չէ՞․ «Զինվոր, հիշի՜ր, երբ դու քնած ես՝ թշնամին արթուն հսկում է»: Ես էլ մտածեցի` էնքան քնեմ, մինչեւ թշնամին անքնությունից սատկի»: Ապա հավելել. « Մի առիթով նախկին ազատամարտիկ, այսօր կադրային սպա հրամանատարը նկատեց. «Զինվորականների համար դժվար չէ, մենք գիտենք, թե ով է մեր թշնամին, նա մեր աչքի առաջ է ամեն օր: Դուք մտածեք, քաղաքացիական աշխատողներդ, որ չեք ճանաչում ձեր թշնամիներին»: Առանց պաճուճանքների դիպուկ դիտարկում, իմաստուն ազատամարտիկի կողմից: Նրանց խորհուրդները, մարտական փորձն ու հայրենասիրությունը մեր բանակի ոգին ամրացնելու լավագույն խթանն են: Նրանք իրենց օրինակով կարող են արթնացնել հայի գենը կորցնելու եզրագծին կանգնած յուրաքանչյուրի: 
Արցախյան գոյամարտի շատ մասնակիցների եմ հանդիպել, զրուցել: Նրանց ոչինչ հարկավոր չէ, բացի մեր ուշադրությունից: Երեկ ես եւս մեկ անգամ համոզվեցի դրանում` այցելելով Գյումրիի ազատամարտիկների բնակարաններ, որոնք ունեն ծառայող եւ արդեն բանակից վերադարձած որդիներ: Մեր երկիրը մեզ վերադարձրած բոլոր ազատամարտիկներին փառք եւ խոնարհում, մենք միասին ենք, բարի վերադարձ ձեր զավակներին եւ բոլոր զինվորներին …

Շնորհավորում եմ բոլորիս Հայոց բանակի տոնի առթիվ: Բանակը մեր բոլորիս հարստությունն է, մեզնից յուրաքանչյուրը մասնիկն է մեր բանակի։ 
Խաղաղություն մեր երկրին …», - եզրափակելով խոսքը` մաղթել է Հ. Մանուկյանը:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ