«ԱԳՆ-Ը ԵԽԽՎ-Ի ՔՎԵԱՐԿՈՒԹՅԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ ՀԱՅՏԱՐԱՐՈՒԹՅՈՒՆ ՉԻ ԱՆԻ»

«ԱԳՆ-Ը ԵԽԽՎ-Ի ՔՎԵԱՐԿՈՒԹՅԱՆ ԱՐԴՅՈՒՆՔՆԵՐԻ

ՎԵՐԱԲԵՐՅԱԼ ՀԱՅՏԱՐԱՐՈՒԹՅՈՒՆ ՉԻ ԱՆԻ»

ԵԽԽՎ հակահայկական բանաձեւերի քվեարկության արդյունքների համաձայն` մի շարք երկրներ, այդ թվում` Վրաստանն ու Ուկրաինան, որոնց հետ Հայաստանը թշնամական հարաբերություններ չունի: Կողմ են քվեարկել հակահայկական բանաձեւերին: «Իրավունք»-ը  ԱԳՆ մամլո խոսնակ Տիգրան Բալայանից պարզեց` մեր ԱԳՆ-ը որեւէ հայտարարությամբ հանդես կգա՞ Վրաստանի ու Ուկրաինայի այս կեցվածքի համար: «Ոչ, ԱԳՆ-ը որեւէ հայտարարությամբ հանդես չի գա քվեարկության արդյունքների վերաբերյալ: ԱԳ փոխնախարար Շավարշ Քոչարյանն արձագանքել է»,- եզրափակեց մամլո  խոսնակը:

Հիշեցնենք` Շավարշ Քոչարյանը «Թվիթեր»-ի իր միկրոբլոգում գրել էր. « «ԵԽԽՎ Սարսանգի ջրամբարի բանաձևը ջուր է լցում ադրբեջանական քարոզչական ջրաղացին, որի նպատակն է ԼՂ խաղաղ բանակցային գործընթացի տապալումը»:

Իսկ Ուոլթերի նախագծի մասին փոխնախարարն ասել էր. «Ողջունելի է, որ, գիտակցելով այս վտանգները, ԵԽԽՎ-ն մերժեց Ուոլթերի նախագիծը: Հիմնախնդրի խաղաղ կարգավորման համար արդյունավետ կլինի, եթե ապագայում էլ ԼՂ-ին առնչվող հարցերում ԵԽԽՎ լինի հետևողական, ինչը չհաջողվեց Մարկովիչի զեկույցի դեպքում»:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝