ԲՀԿ ՊԱՏԳԱՄԱՎՈՐԸ` ԿՈԱԼԻՑԻԱՅԻ ՄԱՍԻՆ. «ԳԻՇԵՐՆԵՐԸ ՔՈՒՆՍ ՉԻ ՏԱՆՈՒՄ…»

ԲՀԿ ՊԱՏԳԱՄԱՎՈՐԸ` ԿՈԱԼԻՑԻԱՅԻ ՄԱՍԻՆ.

«ԳԻՇԵՐՆԵՐԸ ՔՈՒՆՍ ՉԻ ՏԱՆՈՒՄ…»

Օրեր առաջ լրատվամիջոցներն անդրադարձել էին, որ ԲՀԿ խմբակցության պատգամավոր Մելիք Մանուկյանը շշի Մելոն քաղաքացի Արտուշ Պետրոսյանի  հետ  ֆինանսական  խնդրրներ ունի: Վերջինս  պատգամավորից դատական կարգով պահանջում է 100.000 դոլար եւ 94 միլիոն 523 հազար դրամ: «Նման բան չկա: Փառք տանք աստծուն, որ գոնե մեկ միլիոն չի պահանջում»,-մեզ հետ զրույցում հերքեց այդ լուրերը ԲՀԿ-ականը այնուհետ իր կոլորիտին համապատասխան ավելացրեց. «Ոչ աշխատանքային օրով խորհուրդ կտամ էթաս մի տեղ սուրճ խմես»:

- Պարոն Մանուկյան, ՀՅԴ-ը, հավանաբար, ՀՀԿ-ի հետ  կոալիցիա  կկազմի…

- Ես ուրախ եմ դրա համար: Կոալիցիան մեծ օգուտ կտա: Ընթացքում կերեւա: Հույսը  վերջում չպետք է կորցնել:  Խորհուրդ կտամ դու էլ հույս կապես:

- Չե՞ք մտահոգվում, որ ԲՀԿ-ին կոալիցիա մտնելու առաջարկ չի արվել:

- (Ծիծաղում է –խմբ.): Գիշերներն էլ քունս չի տանում, այ ցավդ տանեմ:

- Իսկ եթե  ավելի լուրջ` որպես ԲՀԿ պատգամավոր չէի՞ք ցանկանա  կոալիցիայի կազմում նաեւ ԲՀԿ-ին էլ տեսնեն:

- Իսկ ինչի չէի ցանկանա,  թող լինի:

- Հաջորդ խորհրդարանում Ձեզ տեսնո՞ւմ եք:

- (Դարձյալ ծիծաղում է-խմբ.): Ինչ էլ հետաքրքիր հարց տվեցիք: Դեռ մեր մոտ  նախընտրական շրջանը չի սկսվել: Կսկսվի, կպատասխանենք:

- Այսինքն` ցանկություն կա՞ օրենսդիր մարմնում նորից լինելու:

- Այո:

- Դարձյալ ԲՀԿ-ի ցուցակո վ:

-Այո:

- Մինչ սահմանադրական հանրաքվեն  լուրեր էին շրջանառվում, թե ՀՀԿ-ն անելու է ամեն ինչ, որ հաջորդ խորհրդարանում բիզնեսով զբաղվող  պատգամավորներ չլինեն:

- Ես չգիտեմ` նրանք  ինչ են ասում: Թող գա ժամանակը, մի բան կանենք, կմտածենք:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝