Շնորհավորում եմ մեր ազգի հերոսներին, ում շնորհիվ մեր հողն է շնչում. ՎԱՀՐԱՄ ԲԱՂԴԱՍԱՐՅԱՆ

Շնորհավորում եմ մեր ազգի հերոսներին, ում շնորհիվ

մեր հողն է շնչում. ՎԱՀՐԱՄ ԲԱՂԴԱՍԱՐՅԱՆ

Սիրելի' հայրենակիցներ,
շնորհավորում եմ բոլորիս Բանակի օրվա առթիվ:

Շնորհավորում եմ այն երիտասարդներին, ովքեր այսօր, գտնվելով զինվորական ծառայության մեջ, անձնվիրաբար պաշտպանում են հայրենիքը և մեր խաղաղ կեցությունը, շնորհավորում եմ այն խիզախներին, ովքեր արդեն իսկ կատարել են իրենց պարտքը հայրենիքի նկատմամբ:

Շնորհավորում եմ հերոս մայրերին, ովքեր գլուխները բարձր, արցունքն ` աչքերին, բանակ են ճանապարհում իրենց որդիներին, և աղոթքով սպասում նրանց վերադարձին: Շնորհավորում եմ մեր ազգի հերոսներին, նրանց ում շնորհիվ մեր հողն է շնչում, նրանց, ովքեր մեր հողն են պաշտպանում, և նրանց, ովքեր դեռ գալու են:
Շնորհավորում եմ համայն հայությանը, վստահ եմ, որ սա այն օրն է, երբ համատարած բոլորս ենք հպարտության զգացում ապրում:
Խոնարհվելով հանուն հայրենիքի իրենց կյանքը նահատակած անվախ հերոսների առջև` համբերություն ենք մաղթում նրանց ընտանիքներին:
Մաղթում եմ մեր հայրենիքին խաղաղ երկինք, քաջարի զավակներ, անսասան զինվորներ, Հայաստան աշխարհին ու նրա պատմությանը արժանի քաղաքացիներ:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝