Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ԱԶԱՏՈՒԹՅԱՆ ՀՐԱՊԱՐԱԿԸ ՎԵՐԱԾՎԵԼ Է ՔՐԵԱԾԻՆ ՈՐՋԻ

Արխիվ 12-16

ԱԶԱՏՈՒԹՅԱՆ ՀՐԱՊԱՐԱԿԸ ՎԵՐԱԾՎԵԼ Է

ՔՐԵԱԾԻՆ ՈՐՋԻ



 

Ոստիկանությունը ապամոնտաժել է վրանատիպ ծածկոցը՝ պնդելով, որ շուրջօրյա հավաքի վայրը «իրեն էր ձգում նաև հակահասարակական հակումներով անձանց»։

Ոստիկանությունը տեղեկացնում է, որ հունվարի լույս 27-ի գիշերը, իրավախախտում կատարելու կասկածանքով, վարչական կարգով, Երևանի Ազատության հրապարակից ոստիկանության Կենտրոնականի բաժին են տարվել յոթ անձինք, որոնցից երկուսը՝ անչափահաս աղջիկներ:

«Ժամը 1.15-ին, ոստիկանության Կենտրոնականի բաժին հեռախոսային ահազանգով դիմած քաղաքացի Թինա Ն.-ն հայտնել է, որ Ազատության հրապարակում, Թումանյանի արձանի մոտ տեղադրված վրանում, մի խումբ անձինք օգտագործում են ոգելից խմիչքներ և բարձրաձայն հայհոյում։ Ոստիկանությունը միջոցներ է ձեռնարկել ահազանգով ստացված տեղեկությունները ստուգելու նպատակով: Վարչական զննությամբ պարզվել է, որ «շուրջօրյա հավաքի» մասնակիցները հասարակական վայրում օգտագործում են ոգելից խմիչքներ», - ասված է հաղորդագրությունում։

Ոստիկանությունը տեղեկացնում է, որ հարուցվել է վարչական վարույթ:

«Իրավախախտման վայրից վերցվել են 20 սմ երկարությամբ շեղբով ծալովի դանակ, օղու 3 և վիսկիի 1 կիսադատարկ շշեր: Պարզվել է նաև, որ բերվածներից մեկը նախկինում դատապարտված է եղել և ներկայումս գտնվում է քրեական հետապնդման մեջ՝ գողություններ կատարելու մեղադրանքով: Անչափահաս աղջիկներից մեկը կողոպուտ կատարելու կասկածանքով նույն օրը բերման էր ենթարկվել ոստիկանություն, կողոպուտի առարկա հեռախոսը առգրավվել էր: Հարուցված է քրեական գործ: Քրեական հետապնդման մարմնի կողմից ստորագրությամբ ազատ արձակվելուց հետո նա անմիջապես միացել էր հավաքի մասնակիցներին», - ասված է հաղորդագրությունում:

Ոստիկանությունը տեղեկացնում է, որ բոլոր բերվածներն այս պահի դրությամբ ազատ են արձակվել:

«Սակայն իրավիճակն արմատական փոփոխության կարիք ունի: Ակնհայտ է, որ «շուրջօրյա հավաքի» վայրը վերածվել էր մի տարածքի, որ իրեն էր ձգում նաև հակահասարակական հակումներով անձանց», - հայտարարում է Ոստիկանությունը՝ հիշեցնելով, որ Երևանի քաղաքապետի որոշումներով արգելված էր Ազատության հրապարակում կազմակերպվող հավաքների ընթացքում օգտագործել վրաններ:

«Ոստիկանությունը, սակայն, տևական ժամանակ դրսևորել էր հանդուրժողականություն՝ չխոչընդոտելով վրանատիպ ծածկոցի տեղադրմանը: Հանրային վայրում իրավախախտումը նախականխելու նկատառումով ոստիկանությունն ապամոնտաժել է վրանատիպ ծածկոցը», - ասված է հաղորդագրությունում:

Հավանեցի՞ր հոդվածը, կիսվիր ընկերներիդ հետ